Soltüstık Казахстан
Петропавл қалалық полиция басқармасында жыл басынан бері шартты түрде мерзімінен бұрын босату ережелерін бұзған 12 адам бас бостандығынан айыру орындарына қайтарылды. Олар белгіленген шектеулерді бірнеше мәрте бұзған, ішімдік ішкен және қоғамдық орындарда адамдардың мазасын алған.
Өткен жылдың тамыз айында шартты түрде мерзімінен бұрын босатылған 39 жастағы петропавлдық осындай заң бұзушылықтарға жол берген. Бұл дерек облыста өткен “Есепте тұрған” республикалық жедел-алдын алу іс-шарасы барысында анықталды. Енді ол алдағы бір жылын түрмеде өткізеді.
– Аталмыш іс-шара шеңберінде барлық санаттағы есепте тұрғандарды тексеру күшейтілді. 468 адам тексерілді, оның 103-і – шартты түрде мерзімінен бұрын босатылғандар. Әкімшілік қадағалауға жататын 11 адамның тарапынан өрескел заң бұзушылықтар анықталды. Олар бұрын ауыр қылмыс жасағандары үшін жазасын өтегендер, – дейді Петропавл қалалық полиция басқармасы бастығының бірінші орынбасары, полиция подполковнигі Әлібек Ғабдуллин.
Зарина ЕЛУБАЕВА,
Петропавл қалалық полиция басқармасының аға инспекторы, полицияның аға лейтенанты.