Soltüstık Казахстан
16 маусым күні таңғы сегіз кезінде Тайынша ауданы Аймақ ауылының маңындағы “Көкшетау – Омбы” автожолының 53-ші шақырымында “Lexus” және “ВАЗ-2104” машиналары соқтығысқан. “Lexus” автомашинасы Көкшетау қаласынан келе жатқан.
Жол-көлік апаты салдарынан бес адам оқиға орнында қайтыс болды, оның екеуі қос автокөліктің жүргізушілері. Ал жарақат алған екі адам медициналық көмек көрсету үшін Көкшетау қаласындағы ауруханаға жеткізілді. Жүргізушілерден медициналық куәландыру жүргізу үшін қан алынды. Көлік құралдары мамандандырылған автотұраққа қойылды.
Осы оқиғаға қатысты Қылмыстық кодекстің 345-бабы 4-бөлігі бойынша (“Көлік құралдарын басқаратын адамдардың жол жүрісі немесе көлік құралдарын пайдалану қағидаларын бұзуы абайсызда екі немесе одан да көп адамның өліміне әкеп соққан іс-әрекет”) сотқа дейінгі тергеп-тексерулердің бірыңғай тізіліміне тіркелді. Қажетті сараптамалар тағайындалды.
Юрий КЛЫКОВ,
облыстық полиция департаменті ішкі және сыртқы коммуникациялар бөлімінің инспекторы.