Үй жануарларынан жұғады

Soltüstık Казахстан

 Kyzylzhar_akparat@mail.ru

Өңірде ауыр құрт ауруы – эхинококкоздың екі жағ­дайы тіркелді. Инфекция ошағы үй жануарлары бо­луы мүм­кін.

Санитарлық-эпидемиологиялық бақылау департаментінің бас­пасөз қызметі хабарлағандай, ау­ру­дың қоздырғышы – етқоректі­лер­дің іше­гінде тірші­лік ететін таспа құрт. Паразит мысықтар мен иттердің ағзасында дамиды. Оны адам үй жануарла­ры­ның нәжісінен жұқ­ты­руы мүм­кін.

Ауыл шаруашылығы жануар­ла­­рын­да олардың еті, бауыры, өк­песі және басқа мүшелері инфек­ция көзі болып табылады. Тер­миялық өң­деу­дің жеткіліксіздігі­нен дернәсіл­дер өміршеңдігін сақ­тайды және тамақ арқылы адам­ның ішегіне, содан кейін оның ба­уырына немесе басқа мүшелеріне енеді.

Эмбриондар асқазанның не­ме­­се ішектің шырышты қабаты ар­қылы қан мен лимфаға еніп, ор­гандар мен тіндерге таралады.

– Ол жерде эхинококк көпірші­гі өсе береді, кейде тіпті жаңа ту­ған нәрестенің басының өлшемі­не же­теді. Көлемі ұлғайған сайын паразит көрші органдарды за­қымдай бастайды. Эхинококк кистасы кішкентай болса да, нау­қастардан ешқандай шағым бол­майды. Бұл кезеңде эхинококкоз басқа ауру­ларға хирургиялық ара­ласу кезін­де, профилактикалық рент­гендік тексеру кезінде кез­дей­соқ анықта­лады, – деп ха­барлады жұқпалы және паразит­тік ауруларды эпи­демиологиялық қадағалау бөлі­мінің бас маманы Салтанат Беку­мова.

Эхинококкоздың алдын алу­дың негізгі шаралары қаңғыбас иттерді аулау болып табылады. Ит иелері оларды үнемі ветери­нар­лық бақы­лауда ұстап, жылына төрт рет құрт­тан тазартулары керек.

Рабиға ЕРАЛЫ,

“Soltüstık Qazaqstan”.