670 мың теңге сыйақы

Soltüstık Казахстан

 Kyzylzhar_akparat@mail.ru

Өңірде сыбайлас жемқор­лық фактісі туралы хабар­лаған адамдарға 670 мың тең­геден астам сыйақы берілді. Бұл туралы облыстық сы­байлас жемқорлыққа қарсы іс-қимыл департаментінің  басшысы Сергей Перов хабарлады.

Оның айтуынша, қоғамды жегі құрттай іштен ірітіп жатқан дертке қарсы күрестің бір жолы – қылмыс фактісі туралы хабарлағандарды көтермелеу. Бұл қадам өз нәтиже­сін беріп келеді. Мәселен, биыл 3 адам жемқорлық дерегі туралы хабарлап, сол үшін сыйақы алған.

Азаматтарды көтермелеудің сараланған жүйесіне сәйкес сы­байлас жемқорлық туралы хабарлаған адамға пара немесе келтіріл­ген залалға қарай айыптау үкімі шығарылғаннан кейін пара сомасы­ның 10 пайыздық мөлшері бері­леді. Алайда ең жоғары сыйақы 4 мың АЕК, яғни 13,8 млн. теңгеден аспауы керек.

Қылмыс фактісін сыбайлас жем­қорлыққа қарсы қызметтің “Саll”-орталығының 1424 нөміріне хабарлап айтуға болады. Қоңырау шалу тегін.

Жан АЙТМАҒАНБЕТОВ,

облыстық сыбайлас жемқорлыққа қарсы іс-қимыл департаментінің бас маманы.