Soltüstık Казахстан
Өңірде алимент төлеуден қашқан 8 адам қылмыстық жауапкершілікке тартылып, олардың бесеуі сотталды. Қалған үшеуі 4 млн. теңгеден астам қарыздарын өтегендіктен жауапкершіліктен босатылды.
Облыс прокурорының көмекшісі Рустам Саденовтің айтуынша, алимент төлеуден жалтарып, сол үшін сотталған бес адамның қарызы 9 млн. теңгеден асып кеткен.
“Өңірде алимент төлейтін 7519 адам бар. 175 борышкер алимент төлеуден жалтарып жүр. Бүгінде жалпы қарыз 166 млн. теңгеге жеткен. Қылмыстық кодекстің 139 бабы бойынша алимент төлеуден қашқандарға жауапкершілік қарастырылған.
Облыстық кәмелетке толмағандардың істері жөніндегі ауданаралық соттың үкімімен Л. есімді адамның бас бостандығы 2 жылға шектелді. Ол 10 ай бойы баласына алимент төлемеген, қарызы шамамен 1,6 млн. теңгеге жетеғабыл”, – дейді Рустам Саденов.
Қазіргі уақытта 6 ай қатарынан сәбиінің алдындағы міндетін орындамаған 13 борышкерге қатысты қылмыстық іс бойынша сотқа дейінгі тергеу жүргізіліп жатыр.
Ақерке ДӘУРЕНБЕКҚЫЗЫ,
“Soltüstık Qazaqstan”.