Soltüstık Казахстан
Мемлекеттің арнайы бағдарламаларын жүзеге асыру арқылы отандық өндірісті дамыту көзделген. Бағдарламалардың операторларының бірі – “Даму” кәсіпкерлікті дамыту қоры” АҚ. Қор кәсіпкерлік субъектілерге субсидия, кепілдік, сондай-ақ серіктес қаржы ұйымдар арқылы жеңілдікпен несиелеу құралдары арқылы қолдау көрсетеді.
Қор кәсіпкерлерді республикалық бюджет қаражаты есебінен қолдайды. Қордың қызметі аясында кәсіпкер өзіне тиімді бағдарламаны таңдаудан бастап, жоба жүзеге асқанға дейінгі сүйемелдеу бағытын тегін пайдаланады. Орталық менеджерлері қолдау сұрап келген әр кәсіпкерге әрекет ету жоспарын қадам-қадаммен түсіндіреді.
Мемлекеттік бағдарламаларды жүзеге асыру басталғаннан бері “Даму” қоры бүкіл Қазақстан бойынша жалпы сомасы 11,4 трлн теңге болатын 197 мыңға жуық бизнес-жобаға қолдау көрсетті. Жобалар әртүрлі салаларды қамтиды. Бұл – мемлекет экономиканың барлық бағыттары мен қызмет түрлеріне көңіл бөлетінін көрсетеді. Әсіресе отандық өнім шығарушылар, IT-технология, аграрлық және ауыл шаруашылығы, медицина, білім беру саласына басымдық беріледі.
Қор өндірілетін өнімдер мен қызметтердің сапалы деңгейге көтерілуі үшін қабілетті кәсіпкерлерге қолдау көрсетеді. Бұл отандық тауар өндірушілердің бәсекеге қабілетті болуына, еліміздің азық-түлік қауіпсіздігіне елеулі үлес қосып, тіпті экспортқа тауарларын шығаруға мүмкіндік жасайды.
“Даму” қоры мемлекеттік қолдауға өтінімді онлайн ресурстар арқылы қабылдайды және ол қызмет тегін, қандай да бір сыйақыны талап етпейді.
“Даму” қоры мемлекеттік қолдау бағдарламалары жөнінде толық ақпарат алу үшін 1408 нөміріне (колл-орталыққа кез келген өңірден тегін қоңырау шалынады) немесе өз өңіріңіздегі қор филиалына тікелей хабарласуға болады.
“Даму” кәсіпкерлікті дамыту қоры” АҚ баспасөз қызметі.