Soltüstık Казахстан
Kyzylzhar_akparat@mail.ru
Петропавлда мүмкіндігі шектеулі балалар арасында облыстық шығармашылық фестиваль өтті. Қатысушылар төрт аталым – вокал, хореография, аспаптық орындау, ым-ишарамен ән айту бойынша өнер көрсетті. Дәстүрлі шараға 100-ден аса ерекше қажеттілігі бар ұл-қыз жиналды. Олардың өнерін қазылар алқасы белгіленген талаптар бойынша бағалады.
– Карантиннен кейін фестивальді қайта жандандырып отырмыз. Басты мақсат – даму мүмкіндігі шектеулі балалардың өнерін көрсету. Көбінесе ұл-қыздар вокал және хореография аталымдары бойынша қатысты, – дейді облыстық балалар мен жасөспірімдер шығармашылығы орталығының бөлім меңгерушісі Саян Ермек.
Шара соңында өнер көрсеткен балалардың барлығы марапатқа ие болды.
Дияс АЯҒАН,
“Soltüstık Qazaqstan”.