Белсенді әйелдер

Soltüstık Казахстан

 Kyzylzhar_akparat@mail.ru

Облыс орталығында іскер әйелдер қауымдастығы мен Әйелдер күштері альянсы мүшелерінің қатысуымен семинар өтті. Бас қосудың негізгі мақсаты – қос ұйымның бірлескен жұмысын жандандыру.

Елімізде кәсіпкерлікті дамыту­ға арналған  мемлекеттік қолдау тетіктері баршылық. Іскер әйел­дер­дің жиі бас қосып, тәжірибе ал­масуларына да жағдай жасалған. Жуырда Алматы қала­сында әйел­дер арасында V Евра­зиялық сам­мит өтті. Оған өңірі­міз­ден 15-ке жуық қыз-келіншек қа­тысты. Ал жиынның өзі жалпы 500-ге жуық іскер әйелдің басын бі­рік­тірді. Арасында шетелдік қонақтар да бар. Облыстық әйелдер күштері альянсы төрағасының орынба­са­ры Гүлбақша Мұсабаеваның ай­туынша, қазір нәзік жандардың саяси көшбасшылығын арттыру мә­селесі өзекті. Бір қолымен бесікті, екінші қолымен әлемді тербететін қыз-келіншектер қоғамның да, мем­лекеттің де  дамуына ат салысады.

– Әйелдердің саяси көшбас­шы­лығын дамыту маңызды. Біздің ең басты мақсатымыз – мемле­кеттік деңгей­дегі саяси шешім­дерге қатысып, әкімшілік міндет­терді атқаратын әйелдерді да­йындау. Қазіргі уақыт­та әйел – сая­саткер әрі кәсіпкер. Біз олардың құқықтарын, заң­ды мүдделерін қорғауға, қоғамдық жұмыстарға белсене араласуына көмектесіп жатырмыз, – деді Гүлбақша  Мұ­сабаева.

Алдағы уақытта қос ұйым  өкіл­дері қатарларын арттыруды көздеп отыр. Сондай-ақ саясаттағы, қо­ғамдық жұмыспен және кәсіпкер­лік­пен айналысатын әйелдерге ар­нап тренинг өткізу жоспарланған.

Гүлден СИМБАЕВА.