Soltüstık Казахстан
Астанада “Stem Олимпиада – білім берудегі инновация” атты халықаралық олимпиада өтті. Оған өңіріміздің 8-11 сынып оқушылары қатысты.
Халықаралық білім бәйгесі “Riviera International School by Quantum” мектебінің базасында робототехника бағыты бойынша ұйымдастырылды. Бұл сында өңір атынан 3 команда бақтарын сынады. Олар: ЛОРД мектеп-лицей-интернаты, БЭСТ гимназиясы мен Әбу-Досмұхамбетов атындағы облыстық дарынды балаларға мамандандырылған гимназия-интернаты.
Сайыс қатысушылары робот құрастыру, бағдарлама жасау және инженерия бойынша білімдерін сарапқа салды. Бұл жолы Әбу-Досмұхамбетов атындағы облыстық дарынды балаларға мамандандырылған гимназия-интернатының оқушылары бас жүлдеге қол жеткізді. Аталмыш білім ордасының шәкірттері Батырхан Шитканов пен Дархан Төлеген “Astana it University” жоғары оқу орнының гранттарын иеленді.
Аманжол НҰРТАЗИН,
“Soltüstık Qazaqstan”.