Soltüstık Казахстан
Облыстық полиция департаментінің бастығы, полиция полковнигі Айдын Қабдұлдинов 2023 жылғы Азия ойындарының қола жүлдегері, боксшы Наталья Богдановамен және оның жаттықтырушысы Дастан Қабденовпен кездесті.
Айдын Қабдұлдинов спортшының кәсібилігі мен жеңіске деген ұмтылысы жерлестері үшін ғана емес, полицияның жеке құрамы үшін де үлгі екенін атап өтті.
Наталья Богданова кикбоксингтен Қазақстанның спорт шебері, “Динамо” дене шынықтыру-спорт қоғамының мүшесі.
Кездесуде спортшы полицейлерге алғысын білдіріп, халықаралық ареналарда Қазақстан атынан лайықты өнер көрсетуге бар күш-жігерін салатынын және жерлестерін жаңа жеңістерімен қуантатынын айтты.
Нұрбек БАЕКИН,
облыстық полиция департаменті ішкі және сыртқы коммуникациялар бөлімінің инспекторы.