Soltüstık Казахстан
Қызылжар ауданына қарасты Боголюбово ауылында әлеуметтік жағынан аз қамтылған тұрғындардың ит-мысықтарына чиптер тегін қойылуда.
Облыстық ветеринария басқармасының мәліметінше, сәуір айынан бері өңірде үй жануарларына чип қою жұмыстары жүргізіліп келеді. Бүгіндері 5455 ит-мысық идентификациялық таңбалаудан өткен. Оның – 103-і Қызылжар ауданына тиесілі.
– Чип қойылған жануарлардың барлығы “Tanba” арнайы ақпараттық жүйесінде тіркелді. Онда иелерінің ЖСН-і мен ит-мысықтардың денсаулық паспорты көрсетілген. Басқарма әлеуметтік аз қамтылған топқа жататын азаматтардың хайуанаттарына 12759 чип сатып алды. Бүгінгі таңда 597 жануар таңбаланды, – дейді облыстық ветеринария басқармасының бөлім басшысы Наталья Тараканова.
Облыс тұрғындары ит-мысықтарға чиптерді жеке ветеринарлық клиникаларда және 14 ветеринарлық станцияда қойдырта алады.
Аманжол НҰРТАЗИН,
“Soltüstık Qazaqstan”.