Soltüstık Казахстан
Петропавлда кикбоксингтен халықаралық дәрежедегі спорт шебері Азамат Нұрпейісовті еске алуға арналған турнир өтуде. Жарысқа еліміздің 9 өңірінен 70-ке жуық спортшы қатысып жатыр.
Жыл сайын Петропавлда “Қызылжар” деген атаумен жерлесіміз Азамат Нұрпейісовті еске алуға арналған турнир өтеді. Дәстүрлі жарыс биыл да жалғасын тапты. Шаршы алаңда өңір намысын 20 спортшы қорғауда.
– Турнирде ерлер 12 салмақ дәрежесі бойынша сынға түсіп жатыр. Спортшылар фул-конакт және “К-1” санаттарында өзара мықтыны анықтайды. Жүлдегерлерге медальдар мен грамоталар, жеңімпаздарға кубоктар табысталады, – дейді кикбоксингтен облыстың аға жаттықтырушысы Әділ Нұржауыпов.
Жерлесіміз Азамат Нұрпейісов кикбоксингтен Қазақстанның бірнеше дүркін чемпионы болғанын, сондай-ақ, әлем біріншіліктерінің жүлдегері, Азияның күміс медаль иегері атанғанын атап өткен жөн.
Аманжол НҰРТАЗИН,
“Soltüstık Qazaqstan”.