Soltüstık Казахстан
Өңірімізде облыс колледждерінің студенттері арасында “Үздік аспаз” кәсіби шеберлік байқауы өтті. Жоғары құрылыс-экономикалық колледжінде өткен байқаудың мақсаты – студенттердің кәсіби даярлығын арттыруға, аспаздық өнерді дамытудың келешек бағыттарын айқындауға, кәсіби шеберлікті жетілдіруге ықпал ету. Сонымен қатар жастардың шығармашылық байланыстарын кеңейтуіне, кәсіптік оқыту саласындағы жаңа идеялар, жетістіктермен алмасуына жағдай жасау.
Осы сала мамандарынан құралған қазылар алқасы жастардың қабілет-қарымын жіті қадағалады. Себебі дәмді ас дайындайтын адамның талғамы биік болып, өз-өзіне жоғары талап қоя білуі керек. Аспаздың тұздық пен дәмдеуішті мөлшерлеп қолдануы да маңызды. Ас пісіруге қажетті құралдарды өз орнымен пайдалану керек.
Байқау қорытындысы бойынша жоғары құрылыс-экономикалық колледжінің студенті Сергей Голец 1-орынды иеленді. Ал Новоишим аграрлық-техникалық колледжінің студенті Анастасия Щукаға 2-орын, Е.Дәуітов атындағы Петропавл қаласы қызмет көрсету саласы колледжінің студенті Эдуард Лешковке 3-орын бұйырды.
Аманжол НҰРТАЗИН,
“Soltüstık Qazaqstan”.