Soltüstık Казахстан
Жаңа жыл қарсаңында полицейлер қылқан жапырақты ағаштарды браконьерлік жолмен пайдаланудан қорғау шараларын жүргізуде. Осы мақсатта жергілікті полиция қызметі мен табиғатты қорғау органдары қызметкерлерінен құралған мобильдік топтар ұйымдастырылды. Қылқан жапырақты ағаштар өсетін жерлерде және оларды сату орындарында рейдтік іс-шаралар өткізіліп жатыр.
Шыршаны заңсыз кескендер әкімшілік жауапкершілікке тартылады. Егер келтірілген шығын 100 АЕК-ден асса, қылмыстық жауапкершілік қарастырылған. Облысымызда 11 ай ішінде ағаштар мен бұталарды заңсыз кесу, зақымдау фактілері бойынша үш қылмыстық іс қозғалды.
“Шырша” жедел-профилактикалық іс-шарасы желтоқсан айының ортасында басталды. Бір апта ішінде өткен рейдтер нәтижесінде 15 заң бұзушылық анықталды. “Шырша” іс-шарасы 31 желтоқсанға дейін жалғасады.
Әсет ҚАНАФИН.