Алаш арысына арналды

Soltüstık Казахстан

 Kyzylzhar_akparat@mail.ru

Түркі әлемінің рухани аста­на­сы Түркістан қаласында жа­рық көретін халықаралық “Са­ра­сөз” журналының биылғы ал­ғаш­қы саны түркішіл ақын, Алаш қайраткері Мағжан Жұ­ма­баев­тың шығармашылығы­на арнал­ды. Қазақстан мен Түр­кияға 2 мың данамен тарайтын басы­лым­ның 50 беттік санында өткен жылы 130 жылдығы той­ланған шайырдың өмірі мен шығарма­шылық жолы, әдебиет сыншы­лары мен мағжан­та­ну­шылар­дың материалдары топ­тасты­рылған.

Белгілі әдебиеттанушы Бей­сембай Кенжебайұлының өт­кен ғасырдың 70-ші жылдары жаз­ған естелігі ақын ақтал­ғаннан кейін 1989 жылы ғана “Лениншіл жас” газетінде жарияланыпты. Ға­лым, әдебиет сыншысы Құл­бек Ергөбек Түр­кістан қаласы­ның әкімі Нұрбол Тұрашбековке жол­даған ашық хатында түркі әлемі мойында­ған ақын жайлы ой тол­ғай келіп, еңселі ескерт­кішін ор­нату, “Түр­кістан” өлеңін тасқа қа­шап, жазып қою туралы келелі ұсы­ныстар айтқан.

Түрік ғалымы Ферхат Та­мир­дің сұхбаты, қырғызстан­дық қа­ламгерлер Акбар Рысқұ­лов, Мұ­зафар Ахматтың пікір­лері де ақын­ның түркітілдес ха­лықтар әдебиетінде алатын ор­нын ай­шықтай түседі. Мағжан­танушы, “Mağjan” журналының шығару­шысы Жарасбай Сү­лейменовтің сұхбатында жер­ле­сіміздің Қы­зыл­жардағы қыз­меті, қуғын-сүр­гінге ұшырауы жайлы баянда­лып, ел ара­сында талас туды­рып жүрген мәселелерге жауап беріледі. Қа­зақстаның еңбек сі­ңірген қай­раткері Дүйсен Қора­байұлы, мұғалім Ұлжан Жолда­сованың, ақынның інісінің қызы Райхан Қалижанқызының мақа­лалары да қызықты оқылады. Әлихан Бөкейханұлы, Жүсіпбек Ай­мауытұлы, Мұхтар Әуезовтің ақын жайлы пікірлерінің орна­лас­тырылуы да құптарлық. Жур­налда ақынның өлеңдері бірне­ше тілде басылған.

Оқырмандар журналдың электронды нұсқасын “sara­soz.kz” сайтынан оқи алады.

Диас АЯҒАН,

“Soltüstık Qazaqstan”.