Soltüstık Казахстан
Кейбір адамдар атаулы әлеуметтік көмек – бұл көпбалалы аналарға немесе мүгедектігі бар жандарға берілетін жәрдемақы сияқты ақшалай төлем деп қателеседі. Бірақ олай емес. Атаулы әлеуметтік көмек – бұл қиын қаржылық жағдайға тап болған және табысы жоқ немесе табысы кедейлік шегінен төмен азаматтарға мемлекеттен берілетін уақытша төлемдер мен жеңілдіктер. Яғни, атаулы әлеуметтік көмек – бұл жылдар бойы тұрақты түрде төленетін жәрдемақы емес, уақытша төлемдер. Атаулы әлеуметтік көмек бір тоқсанға тағайындалады. Кезең аяқталғаннан кейін есептеулер қайталанады.
Атаулы әлеуметтік көмек отбасының әрбір мүшесіне табысы кедейлік шегінен төмен адамдарға тағайындалады. 2024 жылы Солтүстік Қазақстан облысы бойынша кедейлік шегі 33 882,8 теңгені құрайды.
Атаулы әлеуметтік көмек алушылар отбасылар да, жалғыз тұратын адамдар да бола алады. Бұл Қазақстан Республикасының азаматтары, қандастар, босқындар, шетелдіктер және елімізде тұрақты тұратын азаматтығы жоқ адамдар болуы мүмкін.
Атаулы әлеуметтік көмек өтініш берілген айдан бастап ағымдағы тоқсанға тағайындалады. Мысалы, егер сіз құжаттарды 25 қаңтарда тапсырған болсаңыз, онда сіз төлемді бір ай бойы толық аласыз. Атаулы әлеуметтік көмек ай сайын төленеді.
Атаулы әлеуметтік көмек тағайындауға өтінішті қабылдау “eGov.kz” сайтындағы “Электрондық үкіметтің” веб-порталы арқылы электрондық цифрлық қолтаңба болған кезде немесе тұрғылықты жері бойынша мансап орталығына жүгіну арқылы жүзеге асырылады. Өзіңізбен бірге тек жеке куәліктің болуы жеткілікті.
Айнагүл БҰРТЫБАЕВА,
Солтүстік Қазақстан облысы бойынша еңбек мобильділігі орталығы атаулы әлеуметтік көмек көрсету және мониторинг бөлімінің басшысы.