Орындалмаған жұмысқа қаржы бөлген

Soltüstık Казахстан

 Kyzylzhar_akparat@mail.ru

Облыс орталығында әдеп кеңесінің кезектен тыс отырысы өтіп, онда Уәлиханов ауданындағы Бидайық ауылдық округінің әкімі Торғын Күйшбаеваға және Тимирязев ауданы әкімдігінің сәулет, құрылыс және тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Азамат Сұлтановқа қатысты мемлекеттік қызметке кір келтіретін тәртіптік теріс қылықтар жасау фактілері бойынша тәртіптік істер қаралды.

Тәртіптік істерді қарау ба­ры­сын­да белгілі болғандай ауылдық округ әкімі Торғын Күйшбаева мен жеке кәсіпкер арасында бос уақыт өткізу ор­талығының ғимаратына бейне­бақылау жүйесін орнату бойын­ша құны 1 млн. теңге болатын мемлекеттік сатып алу келісімі жасалған. Белгілі болғандай аталған жұмыстар орындал­ма­са да, жұмысты орындау акті­сіне қол қойылған.

– Ауылдық округ әкімі орын­далмаған жұмыстар туралы құ­жатқа қол қойып, төлем жасау­да олқылыққа жол берген. Сон­дық­тан Бидайық ауылдық ок­ругінің әкімі осы әрекетімен мем­лекеттік қызметтің мәрте­бе­сіне нұқсан келтірді деп са­наймын, – деді Уәлиханов ау­да­нының прокуроры Еркеш Оспанов.

Өз кезегінде Торғын Күйш­баева өз кінәсін мойындап, бүгінде аталған жұмыстардың орындалғанын жеткізді. Ай­туын­ша, ол кәсіпкердің жұмыс­ты жаңа жылға дейін аяқтау ту­ралы сөзіне сеніп қалған. Кейін ауа райы бұзылып, ауылға жол­дың болмауынан бейнеба­қылау жүйесі тек қаңтардың ортасын­да орнатылыпты.

Ал Тимирязев ауданы әкім­ді­гінің сәулет, құрылыс және тұрғын үй-коммуналдық ша­руа­шы­лығы, жолаушылар кө­лігі және автомобиль жол­дары бө­лімінің басшысы Аза­мат Сұл­тановқа қатысты мә­селені қа­рау барысында Мичу­рино ауы­лында тарату желі­лерін жөн­деу үшін жобалық-сметалық құ­жаттар жасаудағы жөнсіздік­тер мәлім болды. Бө­лім басшысы серіктестік жұ­мыстарды аяқ­тамаса да актіге қол қойған. Ке­лісілген 6,7 млн. теңге серіктес­тіктің шотына тү­сіп қойған. Жыл басталғалы екі айға жуық уақыт өткеніне қа­рамастан серік­тестік мойнына алған міндетін әлі орындама­ған.

– Мұндай жағдай орын ал­ғаны рас. Өзім жіберген олқы­лықты мойындаймын. Бюджет қаржысын игеріп, жобаны тез ара­да аяқтап, жыл басында жаң­­ғырту жұмыстарына қаржы қа­растыру үшін кепілдеме хат не­гі­зінде осындай шешім шы­ғар­дым, – дейді Азамат Сұл­танов.

Әдеп жөніндегі кеңес мүше­лері Торғын Күйшбаеваға қыз­метіне толық емес сәйкестік ту­ралы ескерту түрінде тәртіптік жаза қолдануды, Азамат Сұл­та­новқа жұмыстан босату тү­рінде тәртіптік жаза қолдануды ұсынды.

Диас АЯҒАН,

“Soltüstık Qazaqstan”.