Soltüstık Казахстан
Петропавлда кеңес әскерінің Ауғанстаннан шығарылғанына 35 жыл толуына орай кикбоксингтен турнир өтті. “Солтүстік кубогы” деген атаумен ұйымдастырылған жарысқа еліміздің түкпір-түкпірінен 150-ден астам спортшы қатысты.
Турнир жеті салмақ дәрежесі бойынша өтті. 60 килограмм салмақта алдымен шаршы алаңға Қостанай мен Өскеменнің спортшылары шықты. Тартысқа толы кездесуде жеңіс шығыстан келген Ернұр Қайырбековке бұйырды.
– Осымен екінші мәрте қатысып отырмын. Қарсыласым осал емес. Бапкерімнің кеңесін тыңдап, жеңіске жеттім. Алда әлі бірнеше айналым бар. Барымды салып, турнирдің жеңімпазы атануға тырысамын, – дейді Ернұр Қайырбеков.
“Солтүстік кубогы” жарысында жеңіске жеткендер ұлттық құрама сапына алынатынын айта кеткен жөн. Олар Вьетнамда өтетін Азия біріншілігіне аттанады.
Аманжол НҰРТАЗИН,
“Soltüstık Qazaqstan”.