Қауіпсіздік үшін қажет

Soltüstık Казахстан

 Kyzylzhar_akparat@mail.ru

Өңірлік коммуникациялар қыз­метінде өткен баспасөз мәслиха­тын­да облыстық төтенше жағ­дай­лар департаменті бастығы­ның орынбасары Дмитрий Рас­тихин өрт қауіпсіздігі жайлы баян­дады. Биыл өңірде 103 өрт оқи­ғасы тіркеліп, алты адам ажал құш­қан. Оттан келген залал  47 млн. теңгеден асып жығылады. Статистикаға сүйенсек, өрттер­дің 74 пайызы жеке тұрғын үй сек­торында орын алады екен. 

Сондықтан үйге улы газ, түтін таралғанда дыбыс шығаратын ар­найы құрылғыларды қойған жөн. Бүгінгі күнге дейін өңірде мұн­дай бес мыңнан астам құ­рылғы орна­тылған. Сергек құ­рыл­ғылардың арқасында бес адам ажал аузы­нан аман қа­лыпты.

– Бұл құрылғыны жер үйде, пәтерде  тұратын азаматтар­дың барлығы орнатуы тиіс. Кө­лемі аса үлкен емес, қабырғаға ілінеді. Біреулер үйдің сәнін кетіреді деп қарсылық танытуы мүмкін. Алайда  адамның өмірі мен оның қауіп­сіздігі бірінші орында болуға тиіс, – дейді об­лыстық төтенше жағ­дайлар департаменті бастығы­ның орын­басары Дмитрий Рас­тихин.

Құрылғыны кез келген адам орната алады. Оның нарықтағы орташа бағасы – 3,5-5 мың тең­генің аралығында.

Диас АЯҒАН,

“Soltüstık Qazaqstan”.