КИІЗ БАСЫП, ЖҮН ТҮТТІ

Soltüstık Казахстан

 Kyzylzhar_akparat@mail.ru

Өңірде “Бір ауыл – бір өнім” жобасы аясында киіз басу бойынша екі күндік шеберлік са­бағы өтті. Облыстық кәсіпкер­лер палатасының іскер әйелдер кеңесі ұйымдастырған шара­ның мақсаты – қолөнершілерді қолдау және ұлттық қолөнерді дамыту.

Соңғы жылдары қолөнердің бұл көне түріне қызығушылық басым. Өткен жыл­дың соңында “Атамекен” ұлттық кәсіпкерлер палатасының іскер әйелдер ке­ңесінің төрағалары Қырғыз­станға арнайы барған. Ондағы мақсат – “Бір ауыл – бір өнім” жобасын жүзеге асырудың қыр­ғызстандық үлгісін зерде­леп, тә­жірибе жинақтау. Соны­мен қа­тар аталған жобаны елі­мізде жү­зеге асыру тиімділігін артты­ра отырып, ауқымын ке­ңейту көз­делген болатын. Ауқымды жұ­мыстың нәтижесінде “Бір ауыл – бір өнім” жобасы елі­мізде де жүзеге асырыла бастады.

Өңірдің қыз-келіншектеріне киізбен жұмыс істеудің қыр-сырын тәжірибелі жаттықтырушы, этнодизайнер, Қостанай облысының “QOLONER” қол­өнер­шілер қоғамдық ұйымының жетекшісі Сәуле Қабидулова үйретті.

– Киіз басу бойынша шебер­лік сабағына 12  қыз-келіншек қатысты. Олар киіз басу дағды­лары мен әдістерін үйрене оты­рып, алған білімдерін ауыл әйелдерінің осы саладағы әлеуе­тін дамы­туға, қолдау көр­сетуге және шабыттандыруға қолданады. Қазір­гі таңда қол­өнердің бұл түрі аса танымал. Сондықтан ауылды жерде тұ­ратын қыз-келіншектер оған қы­зығушылық та­нытары анық, – деді облыстық кәсіпкерлер па­латасының іскер әйелдер кеңе­сінің төрайымы Әсел Есжа­нова.

Сағынгүл ІРГЕБАЕВА,

облыстық кәсіпкерлер палатасының баспасөз хатшысы.