Әлден ішімдікке үйір

Soltüstık Казахстан

 Kyzylzhar_akparat@mail.ru

Соңғы төрт айдың ішінде юве­налдық полицейлер сағат 23:00-ден кейін көшеде қыды­рып жүр­ген 235 кәмелетке тол­маған жет­кіншекті анықтады.

18 жасқа толмаған кейбір жас­өс­пірімдер өздерінен әлдеқайда үл­­кен достарымен бірге аулалар­да кө­ң­іл көтеріп, уақыт өткізеді. Мұн­дай басқосулардың көбі алкогольді ішім­діктерсіз өтпейді. Жыл басынан тәр­тіп сақшылары кәмелетке толмаған балалары­ның спирттік ішімдік іш­ке­ні үшін 19 ата-ананы жауапкершілік­ке тартты.

– Ересектер кәмелетке толма­ған балаларын түнгі уақытта көңіл көте­ру орындарына ағаларымен, әпке­лері­мен, басқа туыстарымен бірге жібереді. Бұл – заңға қайшы. Олар заң­ды өкіл болып табылмайды, – дейді Петропавл қалалық поли­ция бас­қар­масы жергілікті поли­ция қызметі бөлімі ювеналдық полиция бөлімше­сі­нің бастығы Жа­нат Мұстафина.

Құқықтық сауаттылық жағынан осындай кемшіліктер орын алмас үшін тәртіп сақшылары мектеп­тердің, колледждердің оқушыла­рымен кездесулер өткізіп, түсін­діру жұмыс­тарын жүргізеді, ата-аналар жиналыстарына қатысады.

Сержан НҰРТОЛҚЫНҰЛЫ,

“Soltüstık Qazaqstan”.