Барлық қызметке – бір кілт

Процестерді оңтайландыру және ЭЦҚ кілттерін алу, сақтау және пайдалану процедурасын жеңілдету үшін Ұлттық куәлан­дырушы орталық екі ЭЦҚ кілтін беру мен пайдаланудың қазіргі процесінен бір ғана кілтті пайда­лануға көшті, яғни, жеке және заңды тұлғаларға МемСТ алго­ритмі негізінде бір кілт берілетін болады, ол авторизациялау үшін де қол қою үшін де қолда­нылатын болады.

– Мемлекеттік қызметті алу­дың бір жолы – электрондық цифрлық қолтаңба кілттері. Жа­ңа цифрлық технологияларды енгізуде қазіргі уақытта қауіп­сіздікті қамтамасыз ету және криптографиялық стандарт­тар­дың соңғы нұсқаларын пайда­лану қажет. Бұл стандарт ал­дыңғы стандартпен салыстыр­ғанда ЭЦҚ кілтінің ұзақтығын екі есеге ұлғайтты, – деді “Ұлттық ақпараттық технологиялар” АҚ басқарма төрағасының м.а. Дмитрий Мун.

Негізгі өзгерістер мыналар­ды қамтиды:

– Бір тіркеу куәлігі: авториза­ция мен қол қою үшін екі тіркеу куәлігінің орнына енді біреу ғана беріледі, бұл цифрлық кілттерді басқару процесін жеңілдетеді.

– Ескі электрондық цифрлық қолтаңбаның жарамдылық мер­зімі: “ГОСТ 2015” алгоритміне көшкенге дейін бұрын шығарыл­ған барлық ЭЦҚ олардың жа­рамдылық мерзімі аяқталғанға дейін қолдау көрсетілетін бо­лады.

– Жаңарту оңай: мобильді қосымшада жаңа “ГОСТ 2015” стандартын пайдалану үшін “eGov Mobile” қосымшасын жа­ңар­ту жеткілікті.

Сонымен бірге заңды тұлға­лардың пайдалануына арнал­ған келесі талап етілмеген үлгі­лер де қолжетімді үлгілер тізімінен алынып тасталды:

– “Қаржылық құжаттарға қол қою құқығы бар қызметкер”;

– “Кадр бөлімінің қызмет­кері”.

“eGov Mobile” қосымшасында жаңа ЭЦҚ қолдану тәртібі:

– қолданбаның жоғарғы сол жақ бұрышындағы “Кіру/Тіркеу” тармағын таңдаңыз.

– авторизациядан өту үшін “Ме­нің цифрлық қолтаңбамды пайдалану” түймесін басыңыз.

– “ГОСТ 2015 ЭЦҚ арқылы кіру” опциясын іске қосыңыз.

– электрондық цифрлық қол­таңбаны көрсетіңіз және құпия сөзді енгізіңіз.

– “Кіру” түймесін басу арқылы логиніңізді растаңыз және құпия ко­дын орнатыңыз.

– қауіпсіздікті арттыру үшін “Face ID” немесе “Touch ID” ар­қылы биометриялық сәйкестен­діру опциясын пайдалану керек.

Әсет ҚАНАФИН.