Soltüstık Казахстан
Мемлекет басшысының тапсырмасы бойынша прокуратура органдары заңсыз иемденілген активтерді анықтау және қайтару бойынша жүйелі жұмыс жүргізуде.
Өңіріміздегі кәсіпкерлік субъектілері Жер кодексінің талаптарын бұза отырып, жалпы ауданы 10,2 мың гектар болатын ауыл шаруашылығы мақсатындағы 14 жер телімін ұзақ уақыт бойы нысаналы мақсаты бойынша пайдаланбаған.
Қадағалау органының шаралары аясында жоғарыда аталған жер учаскелері мемлекет меншігіне қайтарылды. Бүгінгі таңда аталған жер телімдері ауыл шаруашылығында мақсатына сай пайдаланылуда.
Сонымен қатар Қызылжар ауданы прокурорының талабы бойынша қала маңындағы 47 гектар заңсыз берілген жер телімі де мемлекетке қайтарылды.
Барлық қабылданған қадағалау шаралары аясында мемлекетке жалпы сомасы 300 млн. теңгеден астам актив қайтарылды. Қадағалау органының бұл бағыттағы жұмысы жалғасуда.
Самрат ҚҰСКЕНОВ,
“Soltüstık Qazaqstan”.