Студенттер — Өзбекстанда

Soltüstık Казахстан

 Kyzylzhar_akparat@mail.ru

М.Қозыбаев атындағы Сол­түс­тік Қазақстан университеті “География және экология” ка­федрасының студенттері Өз­бекстанның бірнеше қаласын­да болып, жазғы оқу-көшпелі тә­жі­рибеден өтті. Білім алушылар бұл аймақтың табиғи ланд­шафтымен, экономи­ка­сы­мен, мәдени-тарихи мұра­сы­мен танысуға және зерттеу­лер жүргізуге мүмкіндік алды.

Тәжірибе барысында бола­шақ экологтар ауа райын ба­қылап, өнеркәсіптік аймақтарда ауадағы оттегі мен зиянды зат­тардың концентрациясын анық­та­ды. Сондай-ақ су қоймаларын­дағы тіршілік нәрінің сапа­сын зерттеп, топырақ, өсімдік үлгілерін жинады.

Студенттер Өзбекстанның Ташкент, Самарқан,Бұқара қа­лаларында болып, Батыс Тянь-Шань тауының биік белдеулері мен жоталарын көрді.

Өзбекстанда жас зерттеу­шілерді Мирзо Ұлықбек атын­дағы ұлттық университет өкіл­дері қарсы алып, солтүстік­қа­зақстандық оқытушылар көрші елдің жоғары оқу ор­нымен ынтымақтастық орнату жоспарын талқылады. Жиында алдағы уақытта бірлескен бағ­дарламаларды ашу тұрғысын­да әңгіме өрбіді.

Диана ХАЛИМОВА,

М.Қозыбаев атындағы СҚУ-дың медиаорталығының бас редакторы.