Балалардың қуанышында шек жоқ

Soltüstık Казахстан

 Kyzylzhar_akparat@mail.ru

Саумалкөл ауылындағы агротехникалық колледж маңындағы Новая көшесінде бір ай ішінде тұрғызылған спорт-ойын кешені мемлекеттік-жекешелік әріптес­тік­тің озық үлгісіне айналды.

Сау­малкөл ауылында шағын фут­бол алаңын салуға мемле­кеттік сатып алудың жеңімпазы “Диас Инвест Групп” ЖШС екен­дігі биылғы жылдың мамыр айында жарияланған еді. Нысан­ның құ­ры­лысын қолға алған кәсіпкер өз қаражаты есебінен футбол ала­ңының жанындағы кеңістікті ойын және баскетбол ала­ңымен толықтыруға шешім қа­былдап, ойындағысын сәтті жү­­зе­ге асырды.

Нысан құрылысы аяқталуға жақын. Жазғы дема­лыс кезеңін­де осындай керемет сыйлыққа бөленген балалар кешеннің вор­каут және балалар алаңында, сондай-ақ футбол және баскет­бол алаңдарында ойнап, мәз-мейрам болуда.

Барлық спорттық-ойын кеңіс­тігі алаңы жарықтандырылып, қоршалып, бейнебақылау каме­ра­лары орнатылған, яғни бала­лардың қауіпсіздігі үшін барлық жағдай жасалған. Барлық жұ­мыстарды мүмкінді­гінше сапалы орындап, бала­лар­ға ұзақ уақыт бойы қызмет ететін материал­дарды таңдаған құрылысшы­лар­дың еңбегін айта кеткен жөн.

Осылайша мемлекет пен жеке кәсіпкер жобаны сәтті жүзеге асырды. Енді осы маң­дағы тұр­ғындар құрылысшы­лардың еңбегін құрметтеп, спорт­тық-ойын нысанын күтіп ұстауы тиіс.

Ирина БУРКОВСКАЯ.

Айыртау ауданы.