МЕДИЦИНАЛЫҚ ҚЫЗМЕТТІҢ САПАСЫН АРТТЫРУ ҚАЖЕТ

Облысқа жұмыс сапарымен Денсаулық сақтау министрі Ақмарал Әлназарова келді. Сапар барысында министр өңірде медицина саласында атқарылып жатқан жұмыстармен танысып, өңір тұрғындарымен кездесті.

Тұрғындармен кезде­суде еліміздің бас дәрігері Қазақ­стандағы медици­на саласының дамуы туралы баяндама жаса­ды. Мемлекет бас­­шысының тап­сырмасымен елімізде ауылдық медицина­ның әлеуетін артты­руға баса кө­ңіл бөлінген. Екі жылда 650 алғашқы-медициналық кө­мек көрсету пункті са­лын­бақ. Оның 99-ы өткен жылы қолда­нысқа бе­рілсе, биыл 556 ны­санның құры­лысы аяқталады деп жоспарла­нуда. Қызыл­жар өңіріне алғаш рет келген ми­нистрдің айтуын­ша, облыстағы аудандық емха­на­лар мен ауру­ханалардың ма­териалдық-техникалық база­сын жақсарту қа­жет. Бұл бағытта министрлік та­рапынан қол­дау болатынын айтты.

– Тиісті ме­дициналық меке­мелерде ат­қарылып жатқан жұ­мыстардың есебін тыңдадым. Әрине проб­лемалар жоқ емес. Норма­тив­тік-құқықтық актілер­дің кейбір тұс­тарын халықтың көтеріп отыр­­ған мәселелеріне сай өзгер­­­ту қажет. Бұл жұмыс­ты біз бас­тап кеттік. Сондықтан ең бас­ты міндетіміз халыққа са­па­лы, қолжетімді ме­дициналық кө­мек көрсету, – деді Денсау­лық сақ­тау министрі Ақ­марал Әлна­за­рова.

Кездесуде министр өңір тұр­ғындарының сұрақта­ры­на жауап берді. Ведомство бас­шысына алғашқылардың бірі бо­лып сұрақ қойған өңір тұр­ғыны Қайрат Дүйсенбі қарын­да­­­сы екі жыл бұрын өкпе ау­руына шалдыққанын айт­ты. Науқасқа ота жасалып, өк­пе­­­сі­нің жартысы алынып тас­тал­­ған. Шал ақын ауданында тұ­ратын науқас өткен жылы қай­та ем алу мақсатында Петр­павл­дағы он­кологиялық ауру­ха­на­ға жатуы керек болған екен. Бірақ дәрі­герлер тиісті са­раптама­ларды тек аудандық ауруханада тап­сыратынын ай­тып, емде­лушіні қайта Шал ақын аудан­дық ауру­ханасына жіберген.

– Сергеевкаға бара жатқан жолда қарындасым өзін жайсыз сезінді. Амалсыздан сараптама жасауға тура келді. Алайда кеш­ке жағдайы нашарлап, “Жедел жәрдем” шақырдық. Алғашқы ме­дициналық көмек көрсетілгені­мен, ауруханаға алып кетпеді. “Жаман аурумен” ауыратын нау­қасты әкетпеуге бұйрық барын айтқан медициналық қызметкер­лердің бұл ісі түсініксіз. Ол сонда қандай ведомстволық бұйрық болуы мүмкін? – деді зейнеткер Қайрат Дүйсенбі. Денсаулық сақ­тау министрі зейнеткерден өз әріп­тестерінің атынан кешірім сұрап, бұндай заң жоқ екенін айтты.

Кейін еліміздің бас дәрігеріне муковисцидоз ауруымен ауыра­тын балалардың ата-аналары жүгінді. Бұл – өмірлік маңызды ағ­залар мен жүйелердің, экзо­кринді бездердің зақымдануы­мен сипатталатын қауіпті ауру­лардың бірі. Ата-аналардың айтуынша, бұл аурумен ауыратын балалар арнайы терапиядан өту­лері керек. Ал бұл ем-дом ша­ра­сына жылына 125 миллион тең­ге­ге жуық қаржы жұмсалады.

– 2012 жылы бүкіл елде му­ковисцидоз ауруымен ауыратын балалар таргетті терапия ала бас­тады. Елімізде бұл ауруға шал­дыққан 50 балаға “Қазақстан халқына” қоры есебінен қажетті ем-дом жүргізіледі. Ал менің ба­лам­ның олардан несі кем? Бұл аурумен ауыратын балаларға қайырымдылық қорларын қоспа­ғанда елімізден қандай көмек көр­сетіледі? Қаражат бөліне ме? – деді қала тұрғыны Валерия Куд­рявцева. Өз кезегінде Ақмарал Әлназарова бұл түрлі халық­ара­лық тәжірибелерге сүйене отырып емделетін ауру екенін айта келе, муковисцидоз ауруымен ауы­ратын науқастарға берілетін дәрілер Денсаулық сақтау ми­нистрлігі жанынан құрылған комиссия мүшелерінің рұқсатымен, олардың бақылаумен ғана бері­летінін жеткізді. Министр бөлін­ген қаражатты тиімді пайдалану маңызды екенін айтып, ем-дом­ды кімдер алатынын, дәрілер кім­ге берілетінін арнайы комиссия мүшелері шешетінін сөз етті. Ал өтінішпен келген тұрғынның мә­селесін жауапты мамандар­мен бірге қарастырып көруге уәде етті.

Жалпы біздің облыста бұл аурумен ауыратын 6 бала бар екен. Оларға облыстық ба­лалар ауруханасында арнайы тө­сектер қарастырылғанын атап өту қажет.

Жұмыс сапары барысында Ақ­марал Әлназарова өңірдегі ме­дициналық ұйымдардың жұмы­сы­мен де танысты. Облыс әкімі Ғауез Нұрмұхамбетовпен бірге Қызылжар аудандық аурухана­сында болып, 250 орындық жаңа емхана салу жоспарына айрық­ша назар аударды. Аталмыш ауданда 48 мың тұрғынға түрлі көмек түрлерін ұсынатын 59 меди­циналық ұйым жұмыс істейді.

Сапар барысында министр дә­рігерлермен медициналық кадр тапшылығы, әлеуметтік қолдау және ауылдық денсаулық сақтау нысандарын жарақтан­дыру мәсе­лелерін талқылады. Ведомство басшысы медицина­лық көмектің сапасын арттыру­дың және ха­лықпен профилакти­калық жұмыстың маңыздылы­ғын, сондай-ақ ауылдық меди­циналық ұйымдардың инфрақұ­рылымы мен ма­териалдық-техникалық базасын жақсарту қа­жеттігін атап өтті. “Ауылдық ден­саулық сақтауды жаңғырту” ұлт­тық жобасы аясын­да өңірдің елді мекендерінде 38 медициналық-санитарлық ал­ғаш­қы көмек ны­саны, соның ішінде 22 медици­налық және 16 фельдшерлік-акушерлік пункт салынып жатыр.

Денсаулық сақтау министрі жергілікті бұқаралық ақпарат құ­ралдары өкілдерінің қатысуымен өткен брифингте тілшілер тара­пы­нан қойылған сұрақтарға жауап берді. Облыс орталығын­да 2019 жылы жаңа аурухананың құрылысы басталған болатын. Алайда бірер жыл бұрын пайда­лануға берілуі тиіс медициналық кешеннің құрылысы сиырқұйым­шақтанып кетті. Министр тілші­лер­ге құрылысы бес жылға жуық жүріп жатқан облыстық аурухананың бүгінгі жағдайы туралы айтып, түрік инвесторларымен тілдескенін жеткізді. Жыл соңы­на дейін монолиттік жұмыстар аяқталмақ. Аталмыш кешеннің 2025 жылдың соңы, 2026 жыл­дың басында қолданысқа беріле­тіні айтылды.

Жансая ҚАЙЫПОВА.

Ақмарал ҚҰРМАНАЙҚЫЗЫ,

“Soltüstık Qazaqstan”.