Шуақты күндер – шаруаға сеп

Soltüstık Казахстан

 Kyzylzhar_akparat@mail.ru

Өңірде орақ науқаны қызу жүргізілуде. Бүгінге дейін 590 мың гектар жерден өнім жиналды. Жиналған астық көлемі бір миллион тоннадан асты. Орташа өнімділік гектарына 17,3 центнерден айналуда. Бүгінге дейін астықтың шамамен 17,8 пайызы орылды.

– Диқандар қолайлы ауа райын пайдаланып, орақ науқа­нын дер кезінде аяқтауға тыры­суда. Шаруашылықтардағы тех­никаның бәрі алқаптарда жұ­мыс істеп жатыр. Мемлекет та­ра­пы­нан күздік жұмыстарға ар­занда­тылған жанармай бе­ріл­ген. Со­нымен қатар жауын сал­дарынан ылғалдылығы жо­ғары да­қылдарды кептіруге 20 мың тон­на дизель отыны бө­лінді. Эле­ва­торлар мен астық қабыл­дау пункттеріне сұйы­тылған газ үлес­тірілуде. Қыр­күйектің екін­ші он­күндігі шуақты болады деп бол­жанып отыр. Былтыр осы уақыт­та 1 млн. гектарға жуық алқап­тың астығы жиналған еді. Биыл со­ның жар­тысы ғана орылды. Егер ауа райы кедергі келтірме­се, ди­қандар орақ нау­қанын дер ке­зінде аяқтауға тас-түйін дайын, – деді облыс­тық ауыл шаруа­шы­лығы және жер қатынастары бас­қарма­сының басшысы Мей­рам Меңді­баев.

Қоймаларға түскен 93 мың тонна бидайдың 48 пайызы – үшінші сұрыпты өнім. Күздің ал­ғашқы жауынды күндері сапа­лы бидайдың үлесі төмен бол­са, бүгінде бұл көрсеткіш артқан.

Анастасия ХАРЛАМОВА,

облыстық ауыл шаруашылығы және жер қатынастары басқармасының баспасөз хатшысы.