Ауызсу болмайды

Soltüstık Казахстан

 Kyzylzhar_akparat@mail.ru

Петропавлда 21-22 қыр­күйек күндері су беру тоқ­татылады. “Қызыл­жар су” жауапкершілігі шектеу­лі серіктестігі осы ара­лық­та техника­лық жұмыс жүргізіп, су құбырларын қысқа әзірлемек.

“Қызылжар су” кәсіпорны баспасөз қызметінің мәліметін­ше, Петропавлда су беру 21 қыр­күйек күні сағат 00:00-де тоқтаты­лып,  22 қыркүйек күні сағат 18.00-де қосылады. Осы аралық­та сумен жабдықтау желілерін жуу және дезин­фекциялау бо­йынша профи­лактикалық жұмыс­тар жүргі­зілмек.

Мамандардың айтуынша, бұл жұмыс тұрғындарды сапа­лы ауызсу­мен қамту үшін қажет. Уақыт өте келе құбырларда тұнба пайда болып, па­тогенді микроағза­лар­мен ластануы мүмкін.

1,5 тәулік бойы судың бол­мауына байланысты тұрғын­дар мен қала қонақтары ауызсу қорын жасағаны дұрыс. Өйт­кені желілерді профилакти­калық жуу кезінде краннан немесе колонкалардан су ішуге және тамақ дайын­дауға пайдалануға тыйым са­лынады. Бұл суды тек тұрмыс­тық мақ­сатта – үй жинап, кір жууға ғана қолдануға болады.

“Қызылжар су” жауап­кер­шілігі шектеулі серіктестігінің Пет­ропавл тұрғындары ара­сын­да 95 259 абоненті бар. Бұдан бөлек қаладағы барлық 3790 кәсіпорын осы компанияның қызметіне жүгінеді. Халық айына 4931 мың текше метр су тұты­нады.

Ақерке ДӘУРЕНБЕКҚЫЗЫ,

“Soltüstık Qazaqstan”.