“Басты ұстанымым – сөз бен істің бірлігі”

Айман Асанова – Тимирязев аудандық мәслихаты­ның төрайымы, аудандық мәслихаттың депутаты.

НЕ ҮШІН ДЕПУТАТ БОЛДЫМ?

Мәжіліс пен мәслихат депу­таттарының соңғы сайлауы “Ха­лық үніне құлақ асатын мемле­кет” тұжырымдамасының шең­бе­­рінде қоғам мен билік құры­лымдары арасындағы тепе-тең­дік қарым-қатынастың беки түсуіне үлкен серпін беріп, түрлі диалог алаңдарының жаңа мо­де­лін қалыптастырды. Халық­тың сұранысы мен талап-тілегін нақты біліп отыру жүйесі ке­ңейіп, сайланбалы және мемле­кеттік органдар тарапынан ше­шімін табатын өтініш-тілектерге көбірек назар аударыла бастауы мені де бейжай қалдырма­ды, содан өз бағымды сынап көруді ұйғар­дым. Оның үстіне екі рет облыс­тық мәслихат депута­ты болып сайланғаным бар. Бұ­дан бөлек, аудандық мұрағат бө­ліміне, қа­зақ мектеп интернаты­на жетек­ші­лік еткен, “Amanat” пар­тиясы аудандық филиалы тө­рағасы­ның бірінші орынбасары қызме­тін атқарған жұмыс тәжі­рибеме сүйендім. 2021 жылы жерлесте­рім үлкен сенім артып, депутат­тық мандатқа ие болып, аудандық мәслихаттың хатшы­лығына сайландым. Былтыр се­гізінші ша­қырылған аудандық мәсли­хат­тың бірінші ұйымдас­тыру сес­сия­сында әріптестерім аудандық мәслихаттың төрайы­мы ла­уазымына бекітті.

САЙЛАУШЫЛАРҒА ҚАНДАЙ УӘДЕ БЕРДІМ?

Мемлекет басшысының “Әді­летті Қазақстан: заң мен тәртіп, экономикалық өсім, қо­ғамдық оп­тимизм” Жолдауының басты та­лабы – мемлекет пен қоғам ара­сындағы диалог­тың сапасын одан әрі арттыра түсу, бәріміздің адал әрі әділ бо­луымыз, тек заң аясында әрекет етуіміз, берген уәдеміз бен ісіміз үшін жауап бере білуіміз. Алма­тыдағы Абай атындағы мемле­кеттік педагоги­калық институтта орыс тілі және әдебиеті пәндері бойынша жоға­ры білім алған соң еңбек жолым­ды Тимирязев ау­да­нында бас­тап, он жылға жуық білім беру саласында қыз­мет еттім. Сонда көкейге бір түй­ге­нім, қай жерде жүрсең де, кәсіби шеберліктің, ұйымдастыру­шы­лық қарым-қабілеттің, жоға­ры жауапкершілік пен айқын мақ­саткерліктің ауа­дай қажеттілігі. Сайланбалы ор­ганды басқара оты­рып, мәсли­хат аппараты қыз­метін ортақ мін­детке бағдарлау­дың, үйлесім­ді­лік пен құзыреттіліктің жоғары дең­гейін орнықтыру­дың мен ой­ла­ғаннан да әлде­қайда күрделі еке­нін ұғындым. Осыған орай, мәс­лихат тиісті әкімшілік-аумақ­тық бірліктердегі халықтың еркін біл­діретін және жалпы мемле­кеттік мүдделерді жете ескеретін жер­гілікті өкілді ор­ган екенін те­рең сезініп, алға қойған міндет­терді жүзеге асы­рудың тиісті ша­рала­рын айқын­дап алуға, өткен­ге үңі­ліп, бұрын сай­ланған депу­таттардың іс-тәжіри­бесін зер­де­леуге тура келді.

Сегізінші шақырылымдағы аудандық мәслихат құрамына ен­ген 10 депутаттың төртеуі – бі­рінші рет, алтауы қайта сайлан­ды. Олардың қатарында мен де алғашқы қадамнан-ақ сайлау­шылардың сенімін ақтауға, кәсі­би және жинақталған тәжірибе­лерімді елдік мүдделермен ұштас­ты­руға, міндеттерді нақты баға­лауға және проблемаларды шешу жолдарын анықтауға үл­кен құлшыныспен кірістім. Мен тұрғындармен кездескенде кө­ше­лерді жарықтандыру, елді ме­кендерді абаттандыру, жолдарды күтіп-ұстау, мәдениет, ден­саулық сақтау, білім беру сала­ларына жеткілікті мөлшерде қар­жы бөл­діру, сапалы ауызсумен қамта­масыз ету, жұмысқа орна­лас­тыру мәселелерін жиі көтеру­ге тырысамын. Аудан бюджетіне 27 рет өзгерістер мен толық­ты­рулар енгізіліп, жергілікті қазына­ны нақтылау мәселесіне бір­не­ше рет бастамашылық жаса­дым. Бұл ретте, Бюджет кодек­сіне сәй­кес бюджет тоқсанына бір рет нақтыланатынын, оны де­путаттардың бастамасы бойын­ша нақтылау мүмкіндігі ерекше жағ­дайларда ғана болжанатыны еске­ріліп, аудан орталығының қа­зан­дығы жылыту маусымына дайын болмауына байланысты жағ­дай­ды түзету үшін шұғыл түрде қо­сымша қаржыланды­рылды. Бұл да халыққа берген уәде­міздің бір парасы. Одан өзге мәс­лихат ше­шімімен бекі­тіл­ген әлеу­меттік кө­мек көрсету, оның мөлшерін бел­гілеу және мұқтаж азаматтардың жекеле­ген санатта­рының тізбе­сін ай­қындау мәсе­лелеріне қа­тыс­ты айтылған уәделерім де жа­уап­сыз қалмады. Атаулы күндер мен мереке күндері (Ауғанстан ау­мағынан әскерлерді шығару; Чернобыль атом электр станса­сын­дағы апатты еске алу; Отан қорғаушы, Жеңіс, саяси қу­ғын-сүргін құрбандарын еске алу және т.б.) 272 адам 8 млн. 453 мың теңгенің әлеуметтік кө­мегін алды. 27 адамға 3 млн. 83 мың теңге мөл­шерінде біржолғы көмек берілді.

ҚАЙ УӘДЕМДІ ОРЫНДАДЫМ?

Сессия мен тұрақты комис­сия­­лар отырыстарында лауа­зым­ды тұлғалардың есептерін тыңдау дәстүрі орныққан. Олар­да сайлауалды бағдарламалар­да белгіленген уәделердің орын­далу барысы сарапқа са­лынып, тиісті шешімдер алынып отыра­ды. 2023 жылғы аудандық бюд­жеттің атқарылуы туралы ауда­н әкімі Е.Жаров өзіне жүк­тел­ген функциялар мен міндет­тер­дің орындалуы туралы баян­да­ма жасап, ең өзекті әлеу­мет­тік ма­ңызы бар мәселелер тал­қы­ланып, бірлесіп, шешу жолда­ры ұсы­нылды. М.Уваисов және С.Со­­болевскаяның төрағалығы­мен өткен тұрақты комиссия­ларда менің ұсынысыммен жы­лумен жабдықтау объектілерін қысқа дайындау, әлеуметтік ма­ңызы бар азық-түлік тауарлары­ның бағасын тұрақтандыру бо­йынша атқарушы органдардың жұмысы, әлеуметтік қызмет көр­сетудің қолжетімділігі және мүге­дек адамдарды тұрғын үймен, оқу­шыларды тегін тамақпен қам­тамасыз ету жайы мұқият зер­деленді. Тұрақты комиссия­лар­дың бірлескен отырыста­рын­да барлығы 11 мәселе тал­қыланса, 6-ы шешімін тапты.

Депутаттарымыз белсенді. Мем­лекеттік бағдарламаларды, әлеуметтік жо­баларды іске асы­рудың оң­тайлы жолдарын үнемі іздесті­ріп, сайлаушылар алдын­дағы ама­­наттарының абырой­мен іске асуына асық. Мен де жыл басы­нан бері әлеуметтік жа­ғынан өте маңызды сумен қам­тамасыз ету, білім беру, мәде­ниет және спорт, жолдар, абат­тандыру ны­сан­да­рын салу және жөндеу сапасына мониторинг жүргізу бойынша де­пу­таттық топ­тардың тұрақты тек­серулерін ұйымдастыруға, ол­қылықтарды жою үшін ұсыным хаттар жолдауға, сұраулар са­лу­ға мүдделі­лік танытып отыра­мын. Оң нә­тижелер, тиісті қоры­тындылар аз емес. Докучаево ауы­лындағы бес шақырым кен­ті­шілік жолға орташа жөндеу және аудан ор­талығында ұзын­дығы 6,7 шақырымға асфальт-бетон төсеу аяқталды. Орталық алаң­ды қайта жаңарту жүргізі­ліп, бағ­даршамдар орнатылды. Көше­лер жа­рықтандырылып, сая­бақ, зама­науи ба­ла­лар спорт алаңы ашылды. Об­лыс­тық бюд­жет есебінен Комсо­мол және Москво­рец мектепте­рінің ғи­ма­раттары, Тимирязе­вода “Жас­тар” стадио­ны қалпы­на кел­тірілді, футбол алаңына жасан­ды газон төселді. Шаңғы-ролл трас­сасы ашылып, онда 80-нен астам бала жаттығуда. Ақсуат және Құртай ауылдық ок­ругтерінде мәдени-сауықтыру орта­лық­тарының құрылысы басталды.

Мәслихат депутаттарының қызметі сан қилы. Негізгі жұмыс­тан тыс уақыт тауып, атқарушы билікпен бірлесіп, мемлекеттік бағ­дарламаларды, әлеуметтік жобаларды, соған қатысты мін­деттерді іске асыруға атсалыса­мыз. Оның ішінде сайлау округте­ріндегі шаралар ерекше орын ала­ды. Әрбір депутат міндетті түрде мәслихат сайтында алдын ала жарияланатын жеке кесте бойынша азаматтарды қабыл­дап, жылына бір рет жергілікті қоғам­дастық жиынында есеп бе­реді. Бір сөзбен айтқанда, ауыл тұр­ғындары өздерінің проблема­ла­ры мен қажеттіліктерін жеткізу үшін халық қа­лаулысына жүгіну­ге мүмкіндік алып, оларға құқық­та­рына, міндеттері мен өкілеттік­теріне сәйкес кө­мек­­­тер көрсеті­ле­ді. Мен өзім Әкім­шілік рәсім­дік-процестік ко­декске сәйкес, аза­маттарды жеке мәселелер бойынша қабыл­­дауды апта сайын дүйсенбі және жұма күн­дері ұйымдасты­рамын, есепті ке­зеңде 11 қабыл­дау өткіздім. Ауылдық округтер­де болғаным­да Жолдаудың не­гізгі талапта­рын түсіндіріп, аза­маттарды қа­былдау барысында 60 сұрақққа жауап бердім. Олар­дың ішінде өтініштердің ең көбі жеке аулалардағы жер пайлары мен мал азығына, су тарату же­лілеріне, жолдарды жөндеуге, интернет­тің қолжетімсіздігіне қа­тысты бол­ды. Әртүрлі мазмұн­да­ғы 7 жаз­баша өтініш тіркеліп, белгіленген мерзімде қаралды.

ХАЛЫҚ МАҒАН

СЕНЕ МЕ?

Кез келген деңгейдегі депу­тат жұмысының табыстылығы­ның, ісінің алға басуының, сай­лаушылар алдындағы жауапкер­шілігінің мәні айрықша. Көп­ші­ліктің сенімінен шығу – менің де басты мақсатым. Өз-өзімді же­тілдіруге, басшылық әдіс-тәсіл­дерді үздіксіз жаңғыртып оты­ру­ға, толғақты проблемалардың кө­зін тауып, ретке келтіруге үне­мі ұмтылып отырамын. Ау­дан­дық мәслихаттың ке­зекті бір сес­сия­сы ауылдық ок­ругтердің бюдже­тіне өзгерістер мен то­лық­тыру­лар енгізу мәсе­лесіне ар­налды. Онда аудан әкі­мінің міндетін ат­қарушы Р.Рама­за­нов бюджетті нақтылау кезін­де қа­ралған бар­лық жобалар ау­данның әлеу­меттік-экономикалық дамуына және өзекті проб­лема­ларды ше­шуге бағыттал­ға­нын атап өтті. Депуттардың қа­ражатты басым қажеттіліктерге қайта бөлу жө­ніндегі ұсынысы қолдау тапты. Сөйтіп, 16 ауыл­дық округ бюд­жет­терін бекітуге байланысты туындаған мәселе­лер өз­герістер енгізу арқылы нақ­ты­ланды. Мәс­лихаттың құзыре­тіне бюджеттің атқарылуын ба­қылау функция­сы енетіндіктен, кей­де бірнеше рет талқылауға тура келеді. 2024-2025 жылдар­ға ар­налған жайы­лымдарды бас­қару және оларды пайдалану ту­ра­лы жос­пар бекі­ді. Өзім төтен­ше жағ­дай­лар ме­кемесі, саяси және қоғам­дық ұйым­дар өкілде­рі­мен бірге ауыл­дық округтерді ара­лап, су тасқынына қарсы іс-шара­ларды жүзеге асыру жағ­дайы­­мен та­ныстым. Суды сор­ғы­мен шыға­ру, су бұру канал­дарын қазу бо­йынша көп­теген жедел жұмыс­тар атқарыл­ды. Мо­то­пом­палар тәу­лік бойы толас тапқан жоқ. Мұн­дай қатер­лі сын­дар – өз мүм­кіндігіңді іш­тей сара­лау, ха­лық сенімін ақтау жолын­да ізденіс­терге толы ке­зең, қа­жырлы ең­бектің бір үлгісі деген сөз.

Дайындаған

Өмір ЕСҚАЛИ,

“Soltustik Qazaqstan”.