Ақын Есләм Зікібаев 1936 жылы Есіл ауданындағы Өрнек ауылында дүниеге келген. 1961 жылы Қазақ мемлекеттік университетін бітірген.
Еңбек жолын “Қазақстан пионері”, “Социалистік Қазақстан”, “Жетісу” газеттерінде әдеби қызметкер, бөлім меңгерушісі болып бастаған. 1973-1984 жылдар аралығында Қазақ КСР Баспа, кітап саудасы және полиграфия ісі жөніндегі мемлекеттік комитетте жұмыс істеген. “Жалын” және “Жазушы” баспаларында редакция меңгерушісі, “Кітап жаршысы” газетінің бас редакторы, Қазақстан Жазушылар одағы көркем әдебиет насихатшылары бюросының директоры болды. Кейінгі жылдары “Ақиқат” журналының бөлім меңгерушісі, редакция алқасының мүшесі қызметтерін атқарды. Жерлесіміздің “Ақ қайыңдар”, “Аққу-арман”, “Мен – космонавтпын”, “Жизнь-птица”, “Адамдарға сенемін” (орыс тілінде), “Ақ бұлақ”, “Белая гладь”, “Ақ елес”, “Алтын шұғыла” поэзиялық кітаптары жарық көрген. Есіл ауданының құрметті азаматы. Қазақстан Жазушылар одағының мүшесі. Ақын 2002 жылы дүниеден өтті.