Tótenshe jaǵdaı talaptaryna baılanysty M.Qozybaev atyndaǵy Soltústik Qazaqstan ýnıversıteti “Jastar jáne ǵylym — 2020” halyqaralyq ǵylymı-tájirıbelik konferensıasyn onlaın rejimde ótkizdi.
Jastardyń ǵylymǵa degen qyzyǵýshylyǵyn arttyrýǵa yqpal etý maqsatyn kózdeıtin sharaǵa Reseı Federasıasy men elimizdiń ýnıversıtetteriniń stýdentteri, magıstranttary qatysty.
Alǵash ret onlaın formatta ótken jıynda sóz alǵan ýnıversıtettiń ǵylym jáne ınnovasıalar jónindegi prorektory Aqmaral Ybyraeva sońǵy jyldary el jastarynyń ınnovasıalyq jobalar arqyly otandyq ǵylymnyń damýyna úles qosyp júrgenin aıtty.
Konferensıa barysynda elimiz ben Reseıdiń joǵary oqý oryndarynyń stýdentteri jınalǵandarǵa ózderiniń ǵylymı jobalaryn tanystyrdy. Sonymen qatar qos eldiń jas ǵalymdary bilim salasyndaǵy ózekti máselelerdi talqylady.
Dıana HALIMOVA,
M.Qozybaev atyndaǵy SQÝ-diń medıaortalyǵynyń
bas redaktory.