Облыс әкiмi Ерiк Сұлтанов 2017 жылғы қысқы Азия ойындарының конькимен жүгiру спорты бойынша қола жүлдегерi, жерлесіміз Дмитрий Бабенкоға құттықтау жеделхатын жолдады.
“Солтүстiкқазақстандықтардың атынан сiздi Саппоро қаласында өткен VIII Қысқы Азиада ойындарында қола медаль иеленуiңiзбен құттықтаймын! Сiз спорттық шеберлiгiңiз, төзiмдiлiгiңiз бен мақсатқа ұмтылушылығыңыздың арқасында беделдi жарыста жоғары нәтижеге қол жеткіздіңіз”, – делiнген жеделхатта.