Жамбыл ауданының Қайранкөл ауылында өрт сөндіру бекеті ашылды. Жаңа нысан мемлекеттік-жекешелік әріптестік аясында “Атамекен-Агро” жауапкершілігі шектеулі серіктестігінің базасында құрылды. Жақын маңдағы елді мекен тұрғындарының қауіпсіздігін қамтамасыз ету мақсатында ғимаратта стационарлық телефон байланысы орнатылып, су таратқышы бар “МТЗ-80” тракторы бөлінді.
Бекеттің ұжымы өртті ауыздықтаумен қатар өздеріне сеніп тапсырылған аумақта орын алған басқа да төтенше жағдайлардың салдарын жойып, қиын жағдайға тап болған адамдарға көмек көрсететін болады.
Жанат СЕЙПІЛОВ, Жамбыл аудандық №11 өрт сөндіру бөлімшесінің бастығы, азаматтық қорғау подполковнигі.