БОЛАТ — ӘЛЕМ ЧЕМПИОНЫ
Болат Булендин – халықаралық дәрежедегі спорт шебері. Оның жетістіктерінің тізімінде – “WRPF” федерациясындағы әлем және Азия чемпионы, пауэрлифтинг және жатып көтеру бойынша Қазақстан Республикасының чемпионы титулдары бар. Ол спорттық мансабында екі рет әлемдік рекорд орнатқан.
Отандасымыз, сондай-ақ, “GOLDEN TIGER – XIII” халықаралық мультитурнирінде 82,5 килограмм салмақта 4 алтын медальды қанжығасына байлады. Күш қолданылатын спорт түрлерінің дәстүрлі фестиваліне 50 спорт түрі бойынша 9 мыңға жуық спортшы қатысқан болатын.
Алаңдағы төбелес
Гуатемала чемпионатында “Шелаху” мен “Мунисипаль” арасындағы матчта жаппай төбелес орын алды.
Төбелес екі ойыншының сөзге келіп қалуынан басталған. Осыдан кейін басқа да футболшылар жанжалға араласты. Бір қызығы, қос команданың бапкерлері де бір-біріне жұдырық сілтеуден тайынбаған.
Ойынның бас төрешісі “Мунисипальдің” екі, ал “Шелахудың” төрт ойыншысын, сондай-ақ, екі команданың бапкерлерін алаңнан қуды.