Петропавлда қоғамдық көліктерде жолаушылар мен жүк тасымалдау бағасы қымбаттауы мүмкін.
“Солтүстік Қазақстан облысының автокөлік одағы” қауымдастығының төрайымы Галина Семенова қала бойынша қатынайтын қоғамдық көліктердің барлық бағытын сақтау үшін тарифті көтеру қажеттігін айтты.
– Есептеу әдістемесіне сай жолақы құны 105 теңге болуы керек. Алайда, аталған тариф облыс тұрғындары үшін тым қымбат болғандықтан, мүмкіндігінше арзанырақ баға ұсынамыз. Жолақының нақты құны және енгізілу уақыты бекітілуде, дегенмен 80 теңгеден төмен болмайды, – деді қауымдастық басшысы.