Бүгін осылай ұрандатқан қоғам 2002 жылдары инклюзивтік білім беру жаңалығына үрке қараған. Тіпті, орта мектеп педагогтерінің 80 пайызы бұл жүйеге қарсы болса, 2007 жылы 49 пайызы ғана қолдамаған екен. Ал ата-аналардың 79 пайызы түсінбей: “Неге менің баламның қасында мүгедек бала отыруы керек?” – деп наразылық білдірсе, қазір олардың да дені бұл райынан қайтыпты. Қоғамның көзқарасы дұрысталғанымен, мүгедек балалар үшін барлық жағдай жасалған ба? Статистикаға көз жүгіртсек, көңіл көншітерліктей. Бүгінгі таңда өңірімізде 18 жасқа дейінгі 4731 мүмкіндігі шектеулі бала бар. Олардың 810-ы коррекциялық мектептерде білім алса, жалпы білім беретін мектептер жанынан ашылған арнайы сыныптарда 92 бала оқытылуда. Сондай-ақ, 312 мүгедек бала үйде білім алады.
Арайлым БЕЙСЕНБАЕВА,
“Солтүстік Қазақстан”.