Қазақтың арғы-бергі тарихына үңілсек, халқымыздың бақ-жұлдызын жарқыратқан, ұрпақты ғана емес тұтас ұлтты тәрбиелеуге үлес қосқан аналардың аз болмағанын аңғарамыз. Солардың бірі – Айғаным Сарғалдаққызы. Ғабит Мүсірепов атындағы облыстық балалар мен жасөспірімдер кітапханасында “Дара, дана ханым – Айғаным” деген атаумен ұйымдастырылған шарада тарихи тұлғаның өмірі мен атқарған істері әңгімеге арқау болды. Айғаным Сарғалдаққызы жайлы сөз қозғасақ, …
Мағжан Жұмабаевтың 130 жылдық мерейтойына орай облыста алғаш рет мұғалімдер арасында “Мағжан оқулары” ғылыми-зерттеу олимпиадасы ұйымдастырылды. Білім сайысына өңірдің түкпір-түкпірінен жиналған 22 ұстаз қатысты. Олардан ақынның шығармашылығын жан-жақты зерттеу талап етілді. Байқау үш аталым бойынша өткізілді. Біріншісінде үміткерлер – Мағжан ақын шығармаларын тақырыптық тұрғыдан талдауға тырысты. Екінші бөлімде Алаш ардақтысының өмірін терең зерттеуге мән берілді. …
Келесі жылы құрылғанына 35 жыл толатын “Экспромт” халық би театры Астанада өткен “Dance mania” халықаралық байқауында сәтті өнер көрсетіп, 2 бас жүлде, 6 бірінші орын және 1 екінші орын олжалады. Елорда төрінде Қазақстан, Ресей және Қырғызстаннан үш мыңға жуық биші бақ сынап, 150-ге жуық би нөмір ұсынды. Қызылжар өңірінің намысын қорғаған топтың өнерін қазылар алқасы …
Қызылжарлық көрерменнің ыстық ықыласына бөленіп жүрген “Балқадиша” вокалды-фольклорлы халықтық ансамблін өңірімізде білмейтін адам кемде-кем. Биыл аталған өнер ұжымының құрылғанына 20 жыл толды. Дәстүр-салтымызды, ұлттық музыкамызды кеңінен насихаттап, өзге өнерпаздарға үлгі болып жүрген әжелер тобының концерттер мен рухани кештерден қалыс қалған кезі жоқ. Ансамбльдің негізін 2003 жылы Машуда Ыбыраева қалаған. Сол кездері қолға алынған көп жобаның …
Биыл қазақ өнеріне өлмес олжа салған әнші, сазгер Ақан сері Қорамсаұлының туғанына 180 жыл толады. Осынау мерейлі датаға орай Қызылжарда “Арқаның ардагері Ақан сері” атты ән кеші ұйымдастырылды. Баурайын қарағай көмкерген таулары, айдынынан аққуы арылмаған көлдері бар әсем мекен – Қызылжар өңірі қазақ халқының талай марқасқа ұлдарын құндақтаған ғой. Солардың ішінде атағы алты алашқа тараған …
Ғабит Мүсірепов атындағы облыстық балалар мен жасөспірімдер кітапханасының ұжымы Ұлыстың ұлы күні – Наурыз мерекесін атап өтті.Мерекелік шараның шымылдығын Ақан сері атындағы облыстық филармонияның әншісі Ғалымжан Нұрпейісов әсем әнмен ашты. Содан кейін еңбек ардагері Амангелді Кенжеғозинов пен күйші Серікбай Құсайынов қазақтың бата беру дәстүрі туралы әсерлі сөз сабақтап, жиналғандарды әз-Наурызбен құттықтады. «Мұхсин» мешітінің имамы Абылай …
Бес парыздың бірі – Ораза үстіміздегі жылы наурыз мейрамымен тұспа-тұс келеді. Күллі мұсылман қауымы үшін қасиетті болып саналатын, ерекше мол сауап пен мүмкіндіктер беретін қасиетті Рамазан айы 2023 жылдың 23 наурызында басталады. Ораза айт – 21 сәуірде, ал Қадір түні сәуірдің 17-нен 18-не қараған түнінде, Құрбан айт 28 маусымда деп бекітілді. Ақиқатында Рамазан – берекеге …
Жылдар жылжып, ғасыр көшкен сайын алыста қалған ақтаңдақтардың қадір-қасиеті артып, құндылығы қастерлене түседі. ХХ ғасырдың басы солақай саясаттың қылышынан қан тамып тұрған тұста, аспандағы жарық жұлдыздай жарқыраған қазақ елінің ержүрек, батыл, қайсар, ұлтшыл ұлдары кеңес өкіметі құрған қақпанға бірінен соң бірі түсті. Олардың қатарында Əлихан Бөкейханов, Ахмет Байтұрсынұлы, Елдос Омаров, Мiржақып Дулатов, Мағжан Жұмабаев, Мұхамеджан …
Н.Погодин атындағы облыстық орыс драма театрында Халықаралық театр күніне орай жаңа комедияның тұсауы кесілді. Спектакль басталмас бұрын облыстық мәдениет, тілдерді дамыту және архив ісі басқармасының басшысы Досбол Әбдірейісов сала қызметкерлерін мерекелерімен құттықтады. Атаулы күнмен тұспа-тұс келген театрдың бұрынғы директоры Людмила Лошакованың туған күні де ескерусіз қалмады. – Барлықтарыңызды Халықаралық театр күнімен шын жүректен құттықтаймын! Бұл …
“Баяғыда бір түп алма ағашы болыпты. Ол әбден жемістері көбейіп, үлкен болып өскен тұста: “Енді қожайыныма бұдан да көп алма берсем” деп армандаған екен. Бірақ бұтақтары…”. Міне, осы аңызды арқау еткен пьесаның қазақ театрларында көптеген жылдар бойы сахналанып келе жатқандығы белгілі. Жуырда өмір құбылыстары мен қиындықтарына толы драманы облыс орталығындағы Оқушылар сарайының “Толағай” балалар театры …
Қазақтың дара да дана ақыны Мағжан Жұмабаев өзінің “Наурыз” атты мақаласында: “…Қазақ жаңа жылын “Наурыз” дейді. “Наурыз әулиенің, әмбиенің аты болмаса керек. “Наурыз” күн райын, шаруа ыңғайын дұрыстап зерттеген бір шоңғал, “оқымаған аграном” болуға керек. Сондықтан қазақтың наурызы – дін мейрамы емес, тұрмыс мейрамы, шаруашылық мейрамы… Бұл мейрамда тұрмыспен, ғылыммен байланыстырып, қоғамға пайдалы игі іс …
Наурыз – әлемдегі ең көне мейрамдардың бірі. Ұлыстың ұлы күнін атап өтетін халықтың да қарасы қалың. “Жер мен көктің жаңаруын”, “тіршіліктің бастауын”, “күн мен түннің теңелген уақытын” Орта Азия халықтары түгел тойлайды. Бұл мейрамды әр халық түрліше атағанымен, барлығының тілегі бір – ізгілік, молшылық, бейбітшілік, рухани тазалық. Қытайда күн мен түннің теңелуі 21 наурызға тура …
Дүниежүзінде әр халықтың өзіне тән көптеген мерекесі бар. Қандай да болсын ұлттың болмысы сол елдің мейрамы тойланған кезде танылады. Ал сол ұлттардың басым көпшілігіне ортақ мейрам болса, ол – Наурыз мерекесі. Оны шығыс халықтарының ерекше қарсы алатыны бұрыннан белгілі. Наурыз жарты әлемді алып жатқан батыс мәдениетіне де бөтен емес. Ежелді гректер, римдіктер мен славян халықтарының …
“Dostyq Mall” ойын-сауық орталығында “QYZYLJAR шеберлер мекені” атты қолөнершілер фестивалі басталды. Шара 22-ші наурызға дейін жалғаспақ. Сондай-ақ шеберлердің жұмыстарымен қаланың бас алаңында да танысуға болады. Фестиваль ұйымдастырушылары – облыстық мәдениет, тілдерді дамыту және архив ісі басқармасы, өңіріміздегі музей бірлестігінің мамандары дәстүрлі қолөнерді сақтауды, халықтық сәндік-қолданбалы өнерді насихаттауды және дамытуды көздеп отыр. Фестивальға еліміздің жеті өңірінен …
Атақты жырау, даңқты қолбасшы Қожаберген Толыбайұлының 360 жылдық мерейтойына орай С.Мұқанов атындағы облыстық ғылыми-әмбебап кітапханада “Қожаберген жырау – аты әйгілі ірі тұлға” атты ғылыми тәжірибелік конференция өтті. Шараға университет ғалымдары, өлкетанушылар, оқушылар мен студенттер қатысты. Мұнда жиналғандар дауылпаз жырау, қаһарман қолбасшы, көрнекті қайраткер, шешен Қожабергеннің өмірі мен шығармашылығы тақырыбында сөз қозғап, ақын мұраларын насихаттау, оның …
Үкімет қаулысының негізінде Мәдениет және спорт министрінің “2023-2025 жылдарға арналған мерейтойлар мен атаулы күндердің тізбесін бекіту туралы” бұйрығына сәйкес, Қожаберген жырау Толыбайұлының “Елім-ай” дастан жырының 300 жылдығы аталып өтеді. Аталған бұйрықта Ғылым жәнежоғарғы білім министрлігі, Оқу-ағарту министрлігі, Астана қаласы, Солтүстік Қазақстан, Түркістан облыстарының әкімдіктері жауапты орындаушы және жүзеге асырушылар ретінде белгіленіп, “Елім-ай” дастан жырдың тарихи …
Тар заманда ақындықтың ауыр жүгін адал көтеріп, адамзаттың ақыл-ойына айналған асыл жырлар қалдырған Мағжан Жұмабаевтың асқақ тұлғасының алдында бас имейтін адам жоқ шығар. Ақынның өзі сеніп өткен жастарға да оның есімі жақсы таныс. Алайда оның тұлғасын жіті танып, сырына терең бойлау үшін тек тағзым етіп қою аздық етеді. Жас ұрпақ өмір жолын үлгі етіп, оның …
Ақан сері атындағы облыстық филармонияда Көрісу күніне орай іс-шара өтті. “Мәңгілік” би ансамблі және Ольга мен Михаил Лахтиндердің хореографиялық мектеп-студиясының оқушылары жиналғандар назарына концерттік бағдарлама ұсынды. Концертке филармонияның солистері мен Сегіз сері атындағы халық аспаптар оркестрі, “Қызыл жар” халық музыкалық ансамблі, Динара және Асхат Таушевтар, Айғаным Махамбетова, “MELOMIX” тобы қатысып, ән мен күйден шашу шашты. …
Есімі елімізге белгілі қаламгер, сыншы, зерттеуші Құлбек Ергөбек 1952 жылы 26 желтоқсанда Түркістан облысының Отырар ауданындағы Ақынтоғай елді мекенінде, Көксарай деген жерде дүниеге келген. Сыншының нәтижелі еңбегін ерте аңғарған, жазғандарын зердесінен өткізіп, шынайы бағасын ақ ниетпен айта алған, қазақ қарасөзінің хас шебері, ақыл-ой алыбы, болмысы бүтін, келбеті келісті кемел жазушы Әбіш Кекілбайұлы: “Ергөбековті Ергөбековтей бақайшағына …
“Көрісу” немесе “Амал” деп аталатын атаулы күн ежелден бар. Бұл – мал-жанын қыстан аман-есен шығарған халықтың көктем шуағын шаша бастағанда туған-туыстарын, көрші-қолаңдарын аралап, қол алысып, төс қағыстыратын сәті. Бұл күнді Наурыз мерекесінің басы десек те болады. Амалдың тағы бір терең мағынасы – елдегі бірлік пен татулықты ту етуі. Дәстүр бойынша осыған дейін сөзге келіп, араздасып …
