Soltüstık Казахстан
2007 жылдың 29 қарашасында Қазақстан Сот орындаушыларының халықаралық кеңесінің құрамына енді. Бұл жөніндегі шешім Парижде өткен Сот орындаушыларының халықаралық кеңесінің отырысында қабылданған болатын. Кеңес бұрыннан бері Еуропа кеңесінің Гаага конвенциясының құрамына кіреді. Қазақстан бұл ұйымға ТМД елдерінің арасында бірінші болып енді, ал Азия мемлекеттерінің ішінде Таиландтан кейінгі орында. Елбасының 2010 жылғы 17 тамыздағы Жарлығымен ҚР Әділет министрлігінің Сот актілерін орындау жөніндегі комитеті құрылды. Бүгінде сот орындаушыларының кәсіби мерекесі маусым айының 2-інші бейсенбісі болып табылады.
Биылғы жылы сот орындаушылары кәсіби мерекені 13 маусым күні атап өтті. Бұл күні департаментте “Ашық есік күні” ұйымдастырылып, азаматтарды қабылдау жүргізілді. Көптеген қала тұрғындары атқару құжаттарына қатысты барлық сұрақтар бойынша сот орындаушыларынан білікті ақыл-кеңес алды. Сот орындаушыларының жұмысының оңай еместігіне көз жеткізген азаматтар мереке иелеріне табыс тіледі.
(Өз тілшімізден).