Мен – Шал ақын ауданындағы Еңбек ауылының тумасымын. 2011 жылы Астана қаласындағы Сәкен Сейфуллин атындағы Қазақ агротехникалық университетін көлік, көлік техникасы және технологиялары мамандығы бойынша тамамдадым. Бұдан кейін білімімді жетілдіру үшін Қарағанды экономикалық университетінде екінші мамандық – құқықтануды меңгердім. Адамға білім ешқашан көптік етпейді. 2012 жылы Отан алдындағы азаматтық борышымды өтеп, 2013-2016 жылдар аралығында Жамбыл …
Петропавл қаласында Қазақстан Республикасының Тұңғыш Президенті күніне арналған облыстық дебат турнирі өтті.
Театр адам ойының рухани тұрғыда жетілуіне ықпал ететін бірден-бір орын болып табылады. Ондағы режиссерлер мен актерлер – өмір шындығын көрерменге қойылым арқылы жеткізетін жандар. Олардың жұмысына кім баға береді? Әрине, көрермен. Сахнаға шыққан әртістер солардың көңілінен шығу үшін барын салады. Алайда, залдан бос орынды көргеніңде, қынжыласың. Спектакль тамашалауға, негізінен, қарт адамдар келеді. Ал жастар жағы …
Жастардың “Ақша барда уайым жоқ” деп материалдық байлыққа ұмтылып жүріп, рухани мешеу қалып жататыны жасырын емес. Оларға қалтаның қалыңдығы, яғни қымбат көлік мініп, зәулім үйде тұру – жетістік. Ал енді кейбіреулер бұл бос мақтаннан гөрі, кітап оқып, ғылым үйреніп, рухани баюды қалайды. Осы орайда, жас буынның өздері не дейді? Назарларыңызға Мұса Жақсылықов пен Айдана Смағұлованың …
Қазіргі таңда мемлекет жастардың ауылға баруына мүдделі. Ауылды жерде жұмыс істегісі келетін жастарға “Дипломмен – ауылға!” бағдарламасы арқылы барлық жағдай жасалған.
Бәсекеге қабілеттілік – жастардың бойынан табылатын ерекше қасиеттердің бірі. Бұл қабілет сенің бір орында тұрып қалмауыңды бақылап, күн сайын жетіле түсуге жетелейді. Жарысқа түссең, екінші тынысыңды ашып, жеңіске бастайды. Елбасы Нұрсұлтан Назарбаев “Болашаққа бағдар: рухани жаңғыру” атты мақаласында: “Болашақта ұлттың табысты болуы оның табиғи байлығымен емес, адамдарының бәсекелік қабілетімен айқындалады”, – деген болатын. Осы қасиеттің …
Би өнері жастар арасында кеңінен танымал. Алайда, бұл бағытта кәсіби деңгейге көтерілу үшін ұзақ әрі талмай еңбектену қажет. Бұрнағы күні “Танцы” облыстық шоуының ақтық кезеңінің қатысушылары шеберлік сынына түсті.
Астана қаласында Дүниежүзілік балалар күнін мерекелеу шеңберінде “Балаға мейірімді Қазақстан” атты республикалық балалар форум-фестивалі өтті. Оған біздің өңірден 20 оқушы қатысты. Қатысушыларды Қазақстан Республикасы Білім және ғылым министрі Ерлан Сағадиев құттықтады.
2011 жылы “Болашақ” қауымдастығы “Дисней” және “Меломан” компанияларымен бірлесіп, әлемдік кинемотография туындыларын ана тілімізде тамашалауға мүмкіндік беретін жобаны қолға алған болатын. Бұрнағы күні облыс орталығында мемлекеттік тілге аударылған 23-інші картина – “Коконың құпиясы” атты мультфильмнің тұсаукесері өтті.
Өңіріміздің қазақ тілі мен әдебиеті пәндері мұғалімдерінің арасында дәстүрлі облыстық “Жүзден жүйрік” байқауы өтті. Байқауға 46 үміткер қатысып, өздерінің білім беру сапасын жетілдіру бойынша оқу-тәрбие үдерісіне енгізіп отырған заманауи технологияларын ортаға салды.
Петропавлда бокстан халықаралық дәрежедегі спорт шебері, әлем кубогының иегері Камиль Сафинді еске түсіруге арналған V республикалық турнир басталды. Дәстүрлі жарысқа еліміздің түкпір-түкпірінен 2000-2001 жылдары туған 120 жас былғары қолғап шебері қатысуда. Боксшылар 11 салмақ дәрежесі бойынша өзара мықтыны анықтайды. Бәсі биік бәсеке бес күнге созылып, ақтық кезең мен жабылу салтанаты 1 желтоқсан – Тұңғыш Президент …
Акциздік маркасы жоқ темекі тәркіленді. Барлығы – жиырма жәшік. Олардың әрқайсысының ішінде 500 дана темекі қорабы бар. Өнімнің бәрі мемлекеттік стандартқа сай болғанымен, акциздік маркалары жоқ. Бұл тауар үшін қажетті салықтар төленбегенін білдіреді.
Аяған Шәжімбаев өмірден ерте кеткенімен, мағыналы ғұмыр кешті. Мағыналы болатыны – ол өнерді сүйді, жай ғана сүйіп қойған жоқ, өзгелерден ерекше, бар болмысымен, жан-тәнімен, жүйке тұлғасымен ессіз сүйді. Өнерді сүю деген сөз халқыңды сүю деген сөз болар, сірә? Оның себебі, қандай шынайы жүйрік, ойпаз болсын, ең алдымен, халқының көңілінен шығуға, соның жүрегіндегіні айтуға, болмысын бедерлеуге …
Қыс мезгіліндегі өзекті мәселелердің бірі жылыту пештері мен электр қондырғыларын пайдалану кезінде өрт қаупінің алдын алу және улы газдан сақтану болып табылады. Облыстық төтенше жағдайлар жөніндегі департаменттің мамандары азаматтарды ықтимал қауіп-қатерлерден сақтандыру мақсатында кешенді шараларды жүзеге асырып келеді.
Петропавл қаласында облыс аудандарының мәдениет күндерін өткізудегі негізгі мақсат өнерді насихаттап, салт-дәстүрді жаңғырту, бейбітшілік бесігінде тербелген еліміздегі ұлттар достығын паш ету болып табылады. Қызылжар қаласының тұрғындары бұған дейін он екі ауданның мәдениет күндерін тамашалап, рухани азыққа қаныққан болатын. Ауқымды мәдени шараның нүктесін қою ән мен жыр дегенде алдына жан салмайтын Уәлиханов ауданына бұйырды. Ұйымдастырушылар алдымен …
“ЭКСПО” аумағында Астана қаласындағы ең үлкен ашық мұз айдыны ашылды. Жалпы аумағы 4 мың шаршы метрді құрайтын мұз айдыны жеті жүзге дейін адам қабылдай алады.
Қазақстан Республикасы Білім және ғылым министрлігінің бастамасымен өңірімізге мектеп оқулықтарының авторлары мен бағдарламаларын құрастырушылар келді. Олар Әбу Досмұхамбетов атындағы облыстық дарынды балаларға мамандандырылған гимназия-интернат пен қазақ мектеп-гимназиясында мұғалімдермен кездесіп, семинар-кеңес өткізді.
Елімізде мемлекеттік мүлікті тиімді қолдану мақсатында оларды бір жерден басқару жүйесінің енгізілгеніне көп уақыт өткен жоқ. Жуырда Орталық коммуникациялар қызметінің өңірлік филиалында өткен кезекті брифингте Солтүстік Қазақстан облысы бойынша мемлекеттік мүлік және жекешелендіру департаментінің жетекшісі Аман Төрегелдин мемлекеттік мүлікті тиімді қолдану және департаменттің биылғы жұмысының қорытындылары туралы әңгіме өрбітті.
Облыс әкімдігінің кезекті отырысында өңір басшысы Құмар Ақсақалов алдымен “Петропавл ауыр машина жасау зауыты” акционерлік қоғамының жаңа бас директорын таныстырды.
Облыс әкімі Құмар Ақсақалов жұмыс бабындағы сапармен Қытай Халық Республикасының Хубэй провинциясында болды. Бұл сапар биылғы жылдың тамыз айында өткен аймақтық кеңестің келісімдері аясында ұйымдастырылды. Қытайдың Хубэй провинциясында 61 млн. адам тұрады, аймақ осы елдің экономикасында бесінші орынға және ішкі өңірлік өнім өндіруде жетінші орынға ие. Сондықтан бұл провинция бірлескен жобаларды жүзеге асыруда стратегиялық серіктес …
