День: 31.05.2019

“ЗИКСТО” акционерлік қоғамының жұмысшылары екі айдан бері еңбекақыларын ала алмай келген болатын. Іске Петропавл қалалық прокуратурасы араласқан соң,зауыт 700-ге жуық жұмысшысына 100 миллион теңгенің берешегін қайтарды. 

“Абылай хан резиденциясы” мұражай кешенінде “Болашаққа бағдар: рухани жаңғыру” бағдарламасы аясында Шал ақын аудандық тарихи-өлкетану мұражайының ұйымдастыруымен   “Өңіріміздің ұлы тұлғалары” атты көрме салтанатты түрде ашылды.

9 мамыр мерекесі қарсаңында полиция ардагерлері Ақан Сыздықов пен Евгений Райтенбах “Батырлар жолымен” халықаралық патриоттық жоба шеңберінде Ресейдің Кингисепп қаласындағы “Роща Пятисот” мемориалдық саябағында қазақстандық жауынгерлерге арналған ескерткіштің ашылу салтанатына қатысып, барша солтүстік өңір тұрғындарының атынан сеніп тапсырылған міндетті абыроймен орындап қайтты. 

Мың өліп, мың тірілген қазақ халқының басынан небір қиыншылық пен зұлматты жылдар өткені тарихтан белгілі. Саяси қуғын-сүргін және ашаршылық құрбандарын еске алу күні  – соның бір айғағы. Кеше қызылжарлықтар зұлматты жылдарда жазықсыз жапа шеккендерді еске алу үшін  саяси қуғын-сүргін және ашаршылық құрбандарына арналған   монументтің жанына жиналды. 

Солтүстік Қазақстан облыстық полиция мұрағатынан Жезқазған қаласының тұрғыны Шолпан Исатаева қуғын-сүргінге ұшыраған атасы жайында құжаттарды, атасының жазбаларын тапты. 

Қазақстан Президенті Қасым-Жомарт Тоқаев Абайдың 175 жылдық мерейтойын мерекелеу туралы Жарлыққа қол қойды.

Бүгін өңірімізге Өзбекстан Республикасының Хорезм облысы кәсіпкерлерінен құралған делегация келеді деп күтілуде. Бұл сапар аясында екі облыс арасында сауда-экономикалық қарым-қатынасты нығайту туралы келісімшарттар жасалмақшы.

Петропавлдағы Брусловский көшесі бойында 77 жастағы қарияны «Лада» маркалы автокөлік қағып кетті. Жолды қысқартамын деп, белгіленбеген жерден өтпек болған жаяу жүргінші темір тұлпардың копотына соғылып, құлап түскен. Оқиға куәгерлері бірден «Жедел жәрдем» шақырып, зардап шегуші ауруханаға жеткізілген. Оның жағдайы орташа деп бағаланып отыр.

Мобильді халыққа қызмет көрсету орталықтарының мамандары шалғайда орналасқан елді мекендерді аралап, тұрғындарды мемлекеттік қызметтерді ауылдан шықпай-ақ алуға үйретуде. Оқыту семинарларына мемлекеттік мекемелердің мамандары ғана емес, жеке және квази мемлекеттік сала қызметкерлері де қатысуда.

1 маусым – Халықаралық балаларды қорғау күні Петропавлдың жас тұрғындары үшін қоғамдық көліктерде жүру тегін болады. Мұндай сыйды облыс орталығының жолаушылар тасымалы кәсіпорындары ұйымдастырып отыр. “СҚО автокөлік одағы”  қауымдастығының төрайымы Галина Семенованың айтуынша, бұл күні 15 жасқа дейінгі балалар барлық қала бағыттары бойынша және “Петропавл – Бескөл” арасында қатынайтын №101  автобусымен де тегін жүре алады. …

ҚОҒАМДЫҚ КӨЛІКТЕ ТЕГІН ЖҮРЕДІ Read More »

Мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы Алик Шпекбаевтың өңірімізге жұмыс сапары мемлекеттік қызметті жетілдіру және сыбайлас жемқорлықтың алдын алу шараларын күшейту мәселесі талқыланған  облыс активінің отырысымен түйінделді.