Soltüstık Казахстан
Oblystyq esirtki qylmysyna qarsy is-qımyl basqarmasynyń qyzmetkerlerine qala mańyndaǵy aýyldardyń biriniń 57 jastaǵy turǵynynyń esirtki tasymaldap júrgeni týraly jedel aqparat kelip tústi.
Jedel-izdestirý is-sharalary barysynda bul aqparat rastalyp, kúdikti oblys ortalyǵyndaǵy Astana men E.Býketov kósheleriniń qıylysynda ustaldy. Qyzmettik-izdestirý ıtteri “Volkswagen” avtomashınasynyń salonynda jatqan skochpen oralǵan, úsh polıetılen paket salynǵan qapty taýyp aldy. Sothımıalyq saraptamanyń aktisi alynǵan zattyń salmaǵy 14 kg. 540 gram keptirilgen marıhýana ekendigin kórsetti. Kúdikti asa iri mólsherde esirtki quraldaryn ótkizgeni úshin buryn on jylǵa sottalǵan eken. Bas bostandyǵynan aıyrý ornynan ol 2018 jyly bosap shyqqan. Endi kúdikti sottyń úkimimen qaıtadan temir tordyń arǵy jaǵyna attanady.
Iýrı KLYKOV,
oblystyq polısıa
departamenti ishki jáne syrtqy komýnıkasıalar
bóliminiń aǵa ınspektory.