Soltüstık Казахстан
Петропавлдағы Ермек Серкебаев атындағы өнерде дарынды балаларға арналған мамандандырылған мектеп-интернат – өнер колледжінің директоры Рауза Кашенева атақты Оксфорд университетінің құрметті профессоры атанды.
Солтүстік Қазақстан облысы білім басқармасы баспасөз қызметінің хабарлауынша, 17 желтоқсанда Рауза Кашенева өнерді дамытуға және талантты жастарды тәрбиелеуге сіңірген еңбегі үшін Оксфорд университетінің құрметті профессоры атанып, арнайы орденімен марапатталған.
Рауза Кашенева – педагогика ғылымдарының кандидаты, еліміздің білім беру ісінің құрметті қызметкері. Білікті ұстаздың шәкірттері облыстық, республикалық және халықаралық конкурстарда жүлделі орындардан көрініп жүр. Рауза Әбутәліпқызының өзі де сахнада ән айтып, республикалық және халықаралық деңгейдегі фестивальдарға, байқауларға қатысқан. Ол италиялық ұлы органист, Ватиканның радио және теледидар директоры Артуро Сакеттидің Таллин қаласындағы Домский соборында өткен концертіне қатысқан.
Өмір ЕСҚАЛИ,
“Soltüstık Qazaqstan”.