Soltüstık Казахстан
Биыл академик жазушы, көркемсөз зергері Ғабит Мүсіреповтің туғанына 120 жыл толады. Осыған орай Ғабит Мүсірепов атындағы облыстық балалар мен жасөспірімдер кітапханасы “Ұлпан – елдің анасы” атты эссе байқауын өткізуді көздеп отыр. Байқауға өңір мектептерінің 9-11 сынып оқушылары қатыса алады.
Додаға қатысу үшін талапкерлер ақпан айының он төртінші жұлдызына дейін өтінім беріп үлгеруі тиіс. Өтінім бергеннен кейін “Ұлпан елдің анасы” тақырыбында эссе жазып, оны үстіміздегі жылғы он екінші наурызға дейін ұйымдастыру алқасына ұсынуы керек. Өңір қаламгерлерінен құралған қазылар алқасы мүшелері эссе байқауының қорытындысын наурыз айының он бесіне дейін шығарады. Мамандар талапкерлердің эссе жазу шеберліктеріне, мәтіннің көлемі мен көркемдігіне баса назар аударады.
Байқауға ұсынылатын жұмыстар баспа түрінде А4 “Microsoft Word” форматында болуы тиіс. Интервал – 1,5, шрифт “Times New Roman”, 14 кегль, ені бойынша теңестіру, барлық өрістер 2 см, азат жол шегінісі 1,25, тасымалсыз болуы керек. Эссе көлемінің екі беттен аспағаны жөн. Байқауға өтінім берген әрбір қатысушы “Instagram” парақшасындағы https://www.instagram.com/skodwb аккаунтына жазылуы керек. Қатысушылардың жұмыстары “odwb_sko@mail.ru” электронды поштасы арқылы қабылданады. Байланыс телефондары: 8(7152) 46-62-95, 8-777-894-95-41.
Жеңімпаздар бағалы сыйлық-тармен марапатталады.
Ұйымдастыру алқасы.