Soltüstık Казахстан
15 сәуірден 20 маусымға дейін шортан, аққайран, көксерке, тұқы балықтарын аулауға тыйым салынды, деп хабарлайды Qyzyljarnews.kz тілшісі.
Қазақстан Республикасы Ауыл шаруашылығы министрлігі орман шаруашылығы және жануарлар дүниесі комитетінің бұйрығы және өзара ынтымақтастық туралы меморандум, сондай-ақ табиғатты қорғау заңнамасын бұзушылықтарға қарсы күрес және өсімдіктер мен жануарлар дүниесінің биологиялық әр түрлілігін сақтау жөніндегі бірлескен іс-шаралар жоспарына сәйкес кейбір балық түрлерін аулауға тыйым салынады.
2022 жылғы 15 сәуірден 15 маусымға дейінгі кезеңде шортан, аққайран, көксеркені, ал 20 мамыр — 20 маусым аралығында тұқы балығын аулауға болмайды. Сондай-ақ, Есіл өзенінде және оның барлық салаларында 20 сәуірден бастап 20 мамырға дейін аралығында мүлдем балық аулауға тыйым салынды.