Soltüstık Казахстан
Облыстық тарихи өлкетану-музейі сөрелерінде сақталған әр жәдігердің ішіне бүккен сыры мен тарихы бар. Оқырмандарымыздың дені олардың көбінен бейхабар. “Жәдігер” деп аталатын айдарымыз арқылы біз мәдениет ошағындағы өткен заманның қойнауынан сыр шертетін әр заттың тарихы туралы мәліметтерді назарларыңызға ұсынатын боламыз.
Музейге келушілерді қызықтыратын жәдігердің бірі – “Фортуна” музыкалық жәшігі. Бұл аспап жиырмасыншы ғасырдың басында Германияда жасалған. Оны облыстық тарихи-өлкетану музейі қорына 1976 жылы Мавлютов есімді азамат табыс еткен. Мамандардың айтуынша, бұл күйсандық әлі күнге дейін жұмыс істейді. Кезінде айтулы мерекелерде, атаулы күндерде аспап қосылып, түрлі әуендер шырқалатын болған. Қазір бұл музыкалық жәшік музейдегі құнды жәдігерлердің бірі саналады.
Самрат ҚҰСКЕНОВ,
облыстық тарихи-өлкетану музейінің қызметкері.