Soltüstık Казахстан
“Жылдам әрекет етіп, көмек көрсеткендеріңіз үшін алғысымыз шексіз. Біз сіздерге ризамыз”. Осындай алғыс сөздер патрульдік полиция батальонының қызметкері Ерқанат Еркіновке “WhatsApp” мессенджері арқылы келіп түскен. Ол жексенбі күні жанындағы серіктесі Асиман Мирзоевпен бірге “Челябі – Новосібір” автожолында жол қозғалысын бақылап жүрген. Осы жолдың 537 шақырымында “Chevrolet Aveo” көлігін жүргізіп келе жатқан Қызылжар ауданындағы Пеньково ауылының тұрғыны полицейлерден көмек сұраған. Ол жүрегі қатты қысып, ауырған ауылдасын ауруханаға жеткізе алмаудан қорыққан екен. Полиция шетелдік көліктің алдына түсіп, жарқылдауық шамдары мен дабылқаққышын қосып, діттеген жерге бет алған.
Медициналық көмекке мұқтаж 43 жастағы ер адам жедел түрде кардиологиялық орталыққа жеткізіліп, оған уақтылы дәрігерлік көмек көрсетілген. Қазір тиісті емін алған азамат отбасымен бірге.
Нұрбек БАЕКИН,
облыстық полиция департаменті ішкі және сыртқы коммуникациялар бөлімінің инспекторы.