“Еңбек жолы”

Soltüstık Казахстан

 Kyzylzhar_akparat@mail.ru

2023 жылғы 1 мамыр мен 1 шілде аралығында “Ең­бек жолы” байқауына қа­тысуға ниетті үміт­кер­лерден өтінімдер қа­былданады.

Конкурс “Үздік еңбек әулеті”, “Жұмысшы жастардың үздік тәлімгері”, “Өндірістің үздік жас қызметкері” аталымдары бо­йынша өтеді.

Аталған байқау жастарды еңбекке баулуды, адалдыққа тәрбиелеуді көздейді. Конкурс қо­ғамдағы еңбек адамының мәр­тебесін арттыруға және “Жал­пыға ортақ еңбек қоғамы” ұраны аясында еңбек өнімділігін ынта­ландыруға ықпал етеді.

Конкурс мынадай екі кезең бойынша ұйымдастырылады:

1. “Еңбек жолы” конкурсы же­ңімпаздарын облыстық деңгейде іріктеу.

2. “Еңбек жолы” конкурсы жеңімпаздарын республикалық деңгейде іріктеу.

Республикалық комиссия жеңімпаздарды конкурстың әр аталымы бойынша (бірінші, екін­ші, үшінші орындар) анықтайды.

Конкурсқа кәсіпорындардың (саласына қарамастан) барлық қызметкерлері қатыса алады.

“Үздік еңбек әулеті” аталы­мына қатысу үшін – ең ұзақ еңбек өтілі мен марапаттары бар отба­сылар, “Өндірістің үздік жас қыз­меткері” аталымына еңбек өтілі 5 жылдан аспайтын ең белсенді және еңбекқор ма­ман, “Жұ­мыс­шы жастардың үздік тәлім­гері” аталымына ке­мінде 20 жыл жұ­мыс өтілі бар ең белсенді тә­лімгер қатысады.

“Еңбек жолы” конкурсын өт­кізу жөніндегі әдістемелік ұсы­ныстарға сәйкес “Еңбек жолы” облыстық конкурсына қатысу үшін үміткерлер туралы мәлі­меттерді облыстық мем­лекеттік ең­бек инспекциясы бас­қарма­сына (Петропавл қаласы, Абай көшесі, 64) 2023 жылғы 1 шілде күніне дейінгі мерзімде қол­ма-қол ұсыну қажет.

Еңбек әулеттерінің өкілдерін, ынталы жас қызметкерлерді, сондай-ақ олардың тәлімгер­лерін конкурсқа белсенді түрде қа­тысуға шақырамыз.

Облыстық мемлекеттік еңбек инспекциясы басқармасы.