Ел біріншілігінде – екінші

Soltüstık Казахстан

 Kyzylzhar_akparat@mail.ru

Қостанай облысындағы Озерный ауылында гір көтеру спортынан ел біріншілігі өтті. Оған өңіріміздің атынан 30 спортшы қатысты.

Артем Головин 73 килограмм са­натындағылар арасында алтыннан алқа тағынып, абсолютті чемпион атанды. 95 килограмда Виталий Ди­денко жеңіс тұғырына көтерілді. 85 ки­­лограмда Валентин Федоровский күміс медальмен күптелді. 68 кило­грамда Олег Окс үшінші орынға ие болды.

Қыздар арасында да жерлесте­ріміз жүлдегерлер қатарынан көрін­ді. Мария Головина 63 килограмм салмақ дәрежесінде серпе көтеру жатты­ғуында жеңімпаз атанып, жұлқа кө­теру әдісінде үшінші орынға жайғас­ты. 58 килограмда Елена Костенко үшінші орын иеленді. 63 килограмда Любовь Синько күміс медальді еншіледі. Салмағы 68 килограмм Марина Евич серпе көтеру жаттығуында чемпион атанса, жұлқа көтеру әдісінде екінші орынға тұрақтады. Салмағы 68 килограмнан асатын спортшылар арасында Са­бина Шпеттер қос жаттығуда да күміс медальға қол жеткізді.

Өңір гір көтерушілері жалпыкомандалық есепте екінші орынға ие болды.

Аманжол НҰРТАЗИН,

“Soltüstık Qazaqstan”.