Soltüstık Казахстан
Шымкент қаласында кикбоксингтен ел біріншілігі өтті. Жарысқа 18 командадан 211 спортшы қатысты.
Өңір намысын 9 кикбоксшы қорғады. Олардың барлығы да жүлдегерлер қатарынан көрінді. Жерлестеріміз үш алтын, екі күміс және төрт қола медаль еншіледі.
Жарыстың фулл-контакт бөлімінде 54 килограмм салмақ дәрежесінде сынға түскен Данияр Жарасов, 54 килограмдағы Аслан Асылбеков пен 86 килограмдағы Нұрсұлтан Жақыповтар алтыннан алқа тағынды. Ал Омар Түлебаев 81 килограмда күміс жүлдені місе тұтса, қыздар арасында 48 килограмда Роксана Гасымова екінші орынға табан тіреді. Қола медальдар Нұрсұлтан Кәрімханов, Станислав Заграбельных, Рахат Қажымұратов пен Альбина Вахитоваға бұйырды. “Спортшыларымыз жақсы өнер көрсетті. Бір жыл бойғы дайындықтары зая кетпеді. Жерлестеріміз енді халықаралық додаларға дайындалады”, – дейді кикбоксингтен облыстың аға жаттықтырушысы Әділ Нұржауыпов.
Аманжол НҰРТАЗИН,
“Soltüstık Qazaqstan”.