Дамудың басты шарты

Soltüstık Казахстан

 Kyzylzhar_akparat@mail.ru

Халықаралық қоғамдастық жыл сайын қараша айының екінші бейсен­бі­сін­де Дүниежүзілік сапа күнін атап өтеді. Сапа – кез келген мемлекеттің не­месе кәсіпорынның табыс кілті.

Техникалық реттеу және мет­рология комитеті облыс бойынша департаментінің негізгі міндеті өнім­дердің са­па­сына бақылау жа­сау және ішкі нарықтағы тауарлар мен қызмет түр­лері­нің қауіпсіздігін қам­тамасыз ету бо­лып та­былады. Мем­лекет басшысы Үкімет пен тиісті орган­дар­дың алдына еліміз­дің ішкі нарығындағы тауарлар мен қызмет түрлерінің халықаралық стан­дарт­тарға сәй­кес қауіпсіздігін қамта­ма­сыз ету, отандық тауарлар­дың сырт­қы рыноктардағы бәсеке­лес­тікке қабілеттілігін арт­тыру мә­селелеріне байланысты ауқымды да нақты мін­деттер жүктеді. Бұл кө­кейкесті мін­дет­терді жүзеге асы­ру үшін мемле­кет тарапынан қажетті жағдайлар­дың бар­лығы жасалуда. Тиісті заң­дар қабылданып, тех­ни­ка­лық рет­теу және сапаны жетіл­дірудің нақты құ­қық­тық негізі қалыптасты­рылды. Мемлекет тарапынан жа­сал­ған жағдайлар мен көр­се­тіліп жатқан қол­даулар дамыған елдер­дің тә­жі­ри­­бе­ле­ріне сүйеніп жүзеге асы­ры­луда.

Сапа – қашанда күрделі мәселе. Елімізде техникалық реттеу туралы заң қолданысқа енгізілгеннен бері тауарлардың сапасына, тұтыну мен қызмет көрсету саласына өзгерістер енгізі­ліп, оларға ерікті қолдану қағидасы таратылды.

Бұл реформада Қазақстандағы техникалық реттеуді қарқынды және икемді ету мақсаты көзделіп, бір жағынан тауар өндірушілерге әкім­шілік қысым көрсету азайтылса, екіншіден, нарыққа тек қауіпсіз тауарларды шығару мүмкіндігі пайда болды.

Тауар мен қызмет көрсету са­пасын қадағалау – тұтынушылар­дың құқығын қорғайтын мемлекеттік органдардың, қоғамдық ұйымдар­дың, жергілікті өзін-өзі басқару органдары мен азаматтардың құзы­рында. Сапалы тауар сатып алу немесе қызметті пайдалану – әр тұ­тынушының құқығы. Сапа – қоғам­ның көңілін толтыруға тиісті және оның ахуалын көтеретін қуатты құрал. Бүгінде өңіріміздегі көптеген тауар өндірушілер сапа жөнінен мықты стратегиялық жоспар құруға дағдылануда.

Бүгінгі таңда әлемдегі барлық елеулі өндіріс орындарын сапаны арттыру мәселесі толғандырады. Біздің облыстағы іргелі өндіріс орындарының даму көрсеткіш­те­ріне сүйенер болсақ, көптеген кә­сіпорындар 2023 жылы сапа ме­неджменті стандарттарының жаңа сериялар жүйесін игерді. Біздің облыста өндірілген тауарлардың біразы сырт аймақтарға шығары­лады. Осының өзі тауарлардың сапасы тұтынушылар көңілінен шығатындығын айқындайды. Сапа­ны басты назарға алып, абыроймен тауар өндіретін, қызмет көрсететін солтүстікқазақстандық кәсіпорын­дар жетерлік. Олардың бірқатары үстіміздегі жылы ұйымдастырылған “Қазақстанның үздік тауары” көрме-конкурсының өңірлік кезеңінің же­ңім­пазы атанды. Олардың қатарын­да “Казмясопродукт”, “Молсервис”, “Экомол Сергеевка”, “Радуга”, “Ай­мақ 715”, “АБД – Орманы” сынды се­ріктестіктер бар.

Екатерина ПАРШИНА,

Техникалық реттеу және метрология комитеті СҚО бойынша департаментінің бас маманы.